حياكم الله
بحيرة وينداميير
أسهل طريقة تروح بالقطار
تروح لمدينة وينداميير Windermere*
حيث هناك تقع بحيرة وينداميير
لما توصلون المدينة راح تحصلون خارج محطة القطار الصغيرة جدا محلات تسوق ، وخلفها جهة المدينة راح تحصلون مركز الإرشاد السياحي. يوفر المركز جميع المعلومات اللي راح تحتاجونها .
تقدرون تروحون بالتاكسي للمدينة والبحيرة.
أو إذا كنتو تحبون المشي تروحون مشي ويبعد وسط المدينة أقل من 10 دقائق ، والبحيرة حوالي 20 دقيقة .
السكن متوفر في كل مكان سواء فنادق أو نزل رخيصة .
يتوفر في المنطقة أماكن استجمام ورحلات في البحيرة ، واستئجار قوارب ، ومطاعم متنوعة .
المدينة صغيرة نوعا ما .
والتنزة حول البحيرة ، وركوب القوارب أفضل شيء في المنطقة .
يومين كافية تماما.
يمكن يوم واحد يكون كافي بعد إذا كنت مستعجل .
وممكن تسوون بحث في قوقل.. معلومات شاملة عن المنطقة
Lake Windermere, Cumbria
أفضل وقت لزيارتها من شهر 4 الى شهر 10*
توجد بعض المناطق الريفيه الانجليزي وهي مناطق حلوة*
1- swansea هذه المنطقة وايد حلوة .
2- tenby منطقة ريفية وهادءة .
3- barryisland منطقة بحرية حبيت احطها لكم لانها وناسة وحركة .
4- brecon وايد حلوه وناسة انصحكم فيها وهذي المنطقة ايبون منها مياه صحية .
وهذا سايت في عن الاكواخ*
http://www.walesdirectory.co.uk/holiday-cottages
اتمنى هذه المعلومات تفيدكم
واي خدمه *

اخوي موادع
السايت هل فيه شي غير عن الواقع ؟
لاني اتذكر قبل 3 سنوات رحنا للريدينق مع بابا وابوي متعود دايم يحجز فنادق بس اللي حصل حجزلنا شقه وطلع عكس تماما اللي شافه بالنت حتى الحمامات وانت بكرامه كانت واحد فقط وهم حاطين انه اثنين
كيف اتاكد انه مايحصل لي كذا ؟ ممكن تفيدني بما انك ماشاء لله خبير
والمناطق اللي حطيتها لي هل ممكن اني اتنقل بينهم والا بعيدين عن بعض ؟
يعني يومين هنا ويومين هنا ويومين هنا .. وطريقة التنقل بينهم قطار او تاكسي ؟
واسفه والله على اسآلتي الكثيره

اخواني .. خلاص بطلنا الريف الانجليزي .. نبي الريف الاسكتلندي