بالنسبه لمكاتب السياحة تواصلت مع كم مكتب هالفتره .. يقدمون عروض حسب فريق يطلع منهم ...
أنا ودي مكتب يرتب لي رحلتي مثل ما أنا أبيها .. هل ممكن ؟؟
وكيف التكاليف مع العلم التذاكر و الفيزا أنا بسويها إن شاء الله

ان شاء الله بيفيدونك الاخوان بإذن الله,
بداية نوفمبر الجو خريفي جميل, بس فيه بروده بعض الشي, لكن بالجنوب اكيد تمام, بس بالشمال مع حدود فرنسا اكيد برد..
انا رحلتي بداية نوفمبر إلى 18.. مع المدام وطفلتي..
بس حاب افيدك بالنسبه للفيزا, فيه مكتب يطلع لك الفيزا الفرنسيه بكل سهووله..
ومتطلباته بسيطه, ما يحتاج لا تأمين صحي ولا حجوزات ولا كشف حساب ولا حضوورك شخصيا..
فقط جواز السفر وصور شخصيه و تعريف راتب فيه تفاصيل الراتب..
عملي اياها كذا مره مع الفرنسيه وسافرت فيها ايطاليا .. بدون المرور على فرنسا..
اتعابه كانت غاليه, الجواز الواحد ياخذ عليه 1100.. والسفره اللي بعدها خفض لي لين 950 ريال..
اذا حاب اعطيك رقمه خبرني وقوله جايك من طرف فلان, ان شاء الله يعطيك اياها ب 950 وممكن اقل..
اهم شي تشتري راحتك بدال عوار الراس..
وتحياتي لك

يعطيك العافيه ابو عمر ..
والف مبروك مقدما ..
بصراحه انت مثل نظامي انا طالع بنصف نوفمبر برضو ...
لكن بالنسبه لأوربا بعد البحث والتحري تبين انها متعبه في الشتاء الا بعض المدن ..
واعتقد ان اختيارك مناسب لأسبانيا جدا حلوه ..
بالنسبه للحجوزات اتختار اي مكتب عندك في جده ...
شوف لك اي مكتب عندكم في جده تثق فيه .. وخله يرتب لك امور السكن والحجز .. واختيار الفنادق احسن واضمن ..
ولا تنسى تنتبه لموعد الدخول ترا اغلب الفنادق الشك ان بعد الظهر وحاول تخلي رحلاتك بذا الوقت ..
وبالنسبه اذا رتبت امورك عن طريق مكتب بيرتب لك الفيزا وينهي جميع امورك مايبقى عليك الا مصاريفك الشخصيه وبكذا بيسهل عليك ترتيب ميزانيتك وتترتيب جدولك ووين ترووح .. اتمنى لك حياة سعيدة ..

أنا اقول يسوي الحجوزات هو بنفسه وكل امور الرحله افضل من المكاتب يشفطون الفلوس وكل شي متوفر عندنا بالنت والاخوان ما يقصرون..

Secretary Man
تسسلم وبيض الله وجهك ..
عرضك ماينعاف
بنبهك لشغله يمكن تفيدني فيها لو حصلت على الفيزا مثل ماتفضلت حجوزاتي من سكن ومواصلات كيف أدبرها هنا وإلا هناك ..؟؟
ويا أخوان أنا رايح شهر عسل .. فماودي أخسر وقت بشئ غير مضمون .. لو صار أي ظرف وماتمت الرحله جد تحطيم ماودك تبدأها مع المدام بحركات مثل كذا ... على الأقل تجتهد وكل شئ طبعا على الله

أخوي فارس الله يبارك فيك
بقول رأيي حسب ما قريت وسألت بخصوص المكاتب .... الكل يجمع إنهم يأخذون مبالغ طائله .. فنصحني أحدهم إني أقدم ع الفيزا بنفسي .. أما حجوزات السكن والطيران النت مايقصر أو ممكن تستعين بمكتب سياحي ... وهو غالبا ماراح يعتمد حجز قبل ما يشاورك ....
بس الإشكاليه اللي واجهتني مالقيت مكتب يرتب لي رحله حسب رغبتي أنا وينظمها لي بدون ما أحس إنه يستغلني وهذا سبب مشاركتي في المنتدى ...........
أبي النصيحة والتوحيه الصادق المحب

جميل جدا إنه خريف .. لأنه خفت يكون برد تتظلع تتمشى كأنك علاق ملابس
طيب الشمال ودي أروح للريف وأتنقل فيه .. مايمديني أبدا !!!!!!!!

انا السنه الماضي بنوفمبر رحت شهر عسل بإيطاليا, فريتها من الجنوب إلى الشمال مرورا ب 7 مناطق
وكل التخطيط والحجوزات من سكن ومواصلات من النت, وساعدتني التقارير بهالمنتدى الرائع..اهم شي التخطيط السليم
اقرا تقارير اسبانيا, كل منطقه وين احسن مكان تسكن فيها, مثلا برشلونه تسكن قريب من الرامبلا.. تدخل مواقع حجز الفنادق وتختار فندق يناسبك سعره قريب من الرامبلا.. وتقرا عنه تعليقات القراء و.. ثم تسوي الحجز والدفع..
يعني سو شغلك من هنا قبل ماتروح, ارخص..
بالنسبه للمواصلات, حتى القطارات تقدر تحجزها من النت..
التكاسي استخدامك لها للضروره مثلا من المطار للفندق, لانها غاليه..
بتضبط امورك ان شا الله..واي استفسار كلنا موجودين..
انا هالسفره ناوي اغير, بستأجر سياره , يعني مابحتاج القطارات او التكاسي والباصات..
تحياتي لك..

نوفمبر بإيطاليا, بالجنوب أي بروما كان الجو روعه, بالنهار الجو تمام, بالليل يبرد بعض الشي,,
كل ما نصعد شمال وصولا إلى ميلان وحدود سويسرا, الجو صار برد وامطار.. اظن شمال اسبانيا مع الحدود الفرنسيه بيكون نفس الشي..
بيعجبك جنوب اسبانيا, مع الجو الخريفي والبارد, بشوف جمال وخضره والاوراق الصفرراا