اعذريني اختي بس الغلط منكم وكل اللي صار معاكم الاعضاء منبهين عنه مره ومرتين وثلاث
بس ان شاء الله اختج بخير ؟ وكل شي يتعوض الا الصحه والسلامة .. وماتشوفون شر ان شاء الله
ومعوضين خير ..

اول شي الحمد لله على السلامه وفعلا غربيه الي حصل لكم لان تايلاند تعتبر من اكثر الدول امن وحرصهم على السياحه والسواح ولاكن لابد من الحذر في التعامل معهم
وبالاخص الي ياجرون الجتسكي والدبابات اغلبهم استغلالين ويحاولون سرقه الزبون .......

الله يعوض عليكم اخوي
بس صدقني اخوي هالاشياء تصير في اي مكان ولا هو مرتبط باسم دولة او مكان معين او جنسيات معينة
انا بالنسبة لي ما حبيت اركب الجيت سكي لها السبب وبعدين مليت منه في الهافمون
وبعدين ياخوي انتوا اهملتوا حبتين خصوصا في 3000 بات اللي في الغرفة
وشكرا لك على تحذيرك

هلا أختي ...
أنا ما أنكر إنه نحنا كان عنا ثقة في الشعب زياادة عن اللزووم ... لأنه متعوديين على هالشي ... نحنا تايلاند تقريبا كل سنة فيها .. وما نقعد فيها أقل عن شهر ... يعني لنا خبرة فيها ... بس هالسنة والله تايلاند متغيرة في كل شي ... وفعلا لازم الواحد ياخذ الحيطة والحذر زيادة ...
أختي الحمدالله بخير ... ما صابها شي ...
تحيااتي ...

zooox
الله يسلمك اخووي ...
فعلا اللي حصل غريب ... ولازم الواحد يتعلم كيف يتعامل وياهم .. لأنه الشعب تغير 360 درجة ... الله يعوض انشاالله ...
وبالنسبة للجتسكي ... والله نحنا كل سنة نتأجر في الاجازة أكثر عن 3 مراات في الشهر ... نحنا وعمومي وعياال عموومي ... في عمرنا ما قابلنا مثل هالموقف .. بالعكس كل مرة نستانس وما تصير أي مشاكل !!!! ... وبصرااحة ما سمعت عن عمليات النصب بالنسبة للجتسكي إلا هالسنة ... ...
تحياتي ...

@نواف
هلا اخووي ...
صح هالأشياء ممكن تصير في أي مكان ... بس والله تفرق بين بلد والثاني .... يعني هالشي لو صار في كراتشي ولا سريلانكا ولا مصر الواحد ما يستغررب .. لأنه هالشي عادي ويصير كل يووم ... بس تايلاند غريبة !!!!!
بس الواحد تعلم إنه مهما كان لازم ما يكون عنده ثقة زياادة ... وبخصووص ال 3000 بات ... أنا قلت الوالد الله يسامحه غلط ونساهم ... بس صدقتي صاارت ويانا في السنوات اللي فاتت وايد ... بس كنا نرد ونحصل البيزاات في مكاانهم ... بس الظاهر الشعب هالسنة متأثر بالأزمة الاقتصاادية ... الله يعوضنا انشالله ...
تحيااتي ...

1. p!nk zone


2. هالسنة في شهر واحد نصبوا علينا 3 مرات ....


3. تحياتي ....


4. اول شي الحمدلله علي السلامة

p!nk zone

بحمد الله تعالي رجعنا من تايلاند من يومين ...والحمدلله استانسنا ... بس بصرااحة تايلاند هالسنة غير ....
تايلاند أكثر شي كان يميزها الأماان اللي فيها ... سافرناها أكثر من 5 مرات ولا مرة انسرقنا ولا شفنا أي نووع من أنواع النصب .... والله كنا نسير الملاهي ونحط أغراضنا كلها ع الأرض ونسير نلعب ونرد وتكون الشنط في مكانها ولا تحركت ...

هالسنة في شهر واحد نصبوا علينا 3 مرات ....

أول مرة في فوكيت ... لما اخووي اتأجر جتسكي ... قبل لا يركب الجتسكي شفنا واحد تايلاندي فك برغي من الجتسكي ... بس نحنا ما حطينا في بالنا شي ... وعقب 5 دقايق الجتسكي انجلب وقالو الماي دخل في الموتور وغرموونا 400 دولار .. يعني تقريبا 12000 بات ... وطبعا ما دفعناهم إلا عقب ما اتصلنا في الشرطة وبوليس السياحة .. بس طبعا ما شي فايدة ...
ثاني مررة ... كنا أنا والوالد والوالدة وأختي ماشيين في الشارع عادي في بانكوك ... والوالدة حاملة الشنطة .. فجأة يمر عدالنا واحد بموتور و يمشي بسرعة جنونية ... وقرب منا لدرجة إنه دعم أختي وشد الشنطة من الوالدة .. الوالدة حاولت تقاوم بس للأسف سرق الشنطة وطار .... والله حسيت عمري في كراتشي مب في تايلاند .. انصدمت من هالحركة ... ما توقعت إنه في تايلاند ممكن يصير هالشي !!!!!!!!!!!
ثالث مرة ... في الفندق ... الوالد كان حاط 3000 بات تقريبا في الغرفة ... وطلعنا في رحلة وطبعا عمال التنظيف يدشون الغرف وينظفوون ... ردينا وما حصلنا البيزات .. طبعا هاي غلطة الوالد ... بس بعد ما حد اعترف من عمال التتنظيف ... وطارو البيزاات ...
هالمواقف صارت في شهر واحد ... حبيت أخبرركم عشاان تاخذوون حيطتكم خاصة في موضووع الشنط ... لأني سمعتها أكثر من مرة ....

تحياتي ....

اول شي الحمدلله علي السلامة

ثاني شي الخطأ من عندكم بالنسبة لركوب الجت سكي من زمان نوصي بعدم الركوب الجت سكي لانهم اغلبيه نصابين وحراميه ويدورون الحجج علي العالم وبالنسبة للشنطة من زمان في توصيات بعد حمل الشنط اثناء السير او التمشي في الزحمة ، وبالنسبة للفلوس المفروض اي فلوس عندج يا اختي السيفتي بوكس .
المهم ما علينا ان شاء الله هالاخطاء هذا كلها تعلومه واستفدتوا منها .

الحمد لله على سلامة أختك
و معوضين خير

الحمدالله على السلامه .. وخطاكم السوء ... و الله يعوضكم خير ان شاء الله