طبعا يا اخوان لكل بلد فيه نظام للتدخين خصوصا وانت داخل البلد شوفو اش صار معنا مع انظمة هذا البلد الذي يأخذ الانظمة من الخلف .
طبعا اول مره اسافر الى هدا البلد واخر مره طبعا اي شخص يسير معه موقف في بلد يكره البلد
اخدنا جميع الارشادات من هدا الموقع وفعلا استفدت كثير من موقع العرب المسافرون ولكم جزيل الشكر ولكن اسمعو القصه .
اول ما نزلنا هدا البلد على بانكوك على خطوط الاتحاد طبعا خطوط الاتحاد ممتعه جدا جدا شي خرافي خط سيرنا كان جده -ابوظبي - بانكوك على البزنس كلاس وصلنا بحمد الله وحنا داخلين كونتر الجوازات استقبلنا ستقبال جاف كأننا عمال جاين نشحد يصيحون علينا قلت في نفسي بدايه طيبه تبشر بالعبقات طبعا احنا سعودين وخطوطنا السعوديه معاها حق انها ما تسير رحلات على هذا البلد لأن لسه في حسا سيات بينا وبينهم يعني مش ميه في الميه على العموم عدينا الكونتر بعد صراخ خلي وجهك على الكميره وقف زين شي يجيب المغص وعند التفتيش احنا ثلاث اشخاص مدخنين للأسف كل واحد معه 2 كرز ولو تشوفهم كيف فرحه بصيدتنا ومذلتهم لنا كأنه معنا مخدرات اخذونا على مكتبهم في المطار وقالو وقع على المحضر رفضنا التوقيع حتى نكلم سفارتنا بلي حدث وقلنالهم احنا عبينا الاستماره او الابليكيشن تبعكم في الطياره وما حددتو العدعد المسموح به طبعا المسومح واحد فقط وشالونا في الونيت كأننا مهربين مخدرات وصلنا القسم ولقينا عائلتين انجليز كافشينهم بنفس التهمه وقالو لازم تدفعون غرامه على التدخين قلنا ما كتبته هذا الشي في استمارتكم بالطياره قالو هدا نظامنا تدفع ولا على السجن قلنا مرحبا احنا لسه في اول يوم طبعا اتصلنا بالسفاره وشرحنا لهم الي صار اتصلو عليهم لكن مافي حل هدا نظام البلد ودفعنا الغرامه وصادره الدخان طبعا تدرو كم دفعنا غرامه شي لايصدق ما يعادل 800دولار
روحنا على السفاره لانهم قالولنا ادفعو وجيبوا الايصال عشان يشوفوا الموضوع يمكن يرجعولنا المبلغ لكن ماعندك احد بلد النظام فيه على الكبير والصغير .
طبعا النظام عندهم اذا صادوك في اي مخالفه يقلولك هدا النظام في بلدنا طيب ياخي علمونا على انظمتكم عشان نتبعها بحكم خبرتي في السفر في دوله قبل ما تنزل من الطياره وانت تعبي الاسماره يعلموك بأنظمتهم .
اسف على الايطاله لكن انا احذر السعوديين من هذاالبلد لانه لسه علاقتنا معهم متوتره وما سمحوا السفر لهدا البلد بشكل رسمي لأنه في شكاوي للسياح السعوديين بسوء المعامله هدا الي عرفناه عند موظفين السفاره الي في بانكوك .
ارجوا على القائمين في هدا المنتدى عدم حدف هدا الموضوع وتثبيته حتى يستفيدو اخوانكم السعوديين
ونصيحتي لهم عدم السفر لها خصوصا للي ما سافر لها من قبل حتى يسمح بالسفر لها رسميا .
واي سعودي يسير معه مشكله اتصلو على السفاره واطلبه الاستاذ/ عطيه الغامدي مدير مكتب السفير لانه رجل بمعنا الكلمه وقف معنا وما قصر وخلا نا نكمل رحلتنا هون علينا الصراحه بعد ما استوحشنا من هذا الديره .