- قلت ابي اغير الى الغرفة الدبل ما عندي مشكلة طبعا الجواب منهم دائما OK
BELLEVUE PALACE HOTEL
Location: Brumana, Lebanonفي البداية احب اني اعرض تجربتي في فندق بل فيو بلاس في منطقة برمانا لان وبكل صراحة لازم الكل يعرف شنو وضع الفندق بالضبط
وصلت الى الفندق يوم 19 / 7 / 2009 في المساء على الساعة العاشرة تقريبا فعرضت الحجز على الاستقبال وكان الحجز دوبلكس سويت ولكن بعد ما اخذت السويت تفاجأت بان السويت قذر :112: بكل معنة الكلمة
( الارضية عليها بقع + شعر على الارض + لايوجد اضاءة كافية + التكييف حار + الحمام حدث ولا حرج على القذارة )
قلت يمكن هذا السويت فيه مشكلة فنزلت الى الاستقبال وطلبت تغير السويت وكان الجواب OK
غيرت السويت وشفت سويت ثاني طلع نفس المشكلة
قلت ابي اغير الى الغرفة الدبل ما عندي مشكلة طبعا الجواب منهم دائما OK
تفاجأت بان الفندق كله في مشكلة في التكييف ..... طبعا هذا شي غير محتمل لاني معاي اطفال اثنين وصعب عليهم تحمل الوضع حتى لو كان الجو في نسمة هوا بارده ولكن في النهار مصيبة !!!!
قلت اغير غرفة مرة ثانية .... الصراحة وبدون مبالغة شفت اكثر من 8 غرف في الفندق كلهم فيهم نفس المشاكل من ناحية التكييف و القذارة ( حتى وانا في الطابق الخامس لقيت صاحب عائلة سعودي الجنسية فسألني تبي تاخذ هذي الغرف ؟ جاوبته نعم قال انا غيرتها لانها حاره وقذرة )
فقلت هذا الوضع ما ينسكت عليه
نزلت الى الاستقبال وقلت للموظفة : هذي فندق 4 نجوم ؟؟؟؟؟
ضحكت وجاوبت ..... مع انكسار نعم
فقلت انا راح اتحمل ليلة واحدة واطلع فكانت الضريبة اني دفعت 3 ليالي وجلست ليلة واحدة في غرفة دبل وانا دافع لثلاث ليالي على الدوبلكس سويت والسبب اني ما رضيت اني اسكن في الزبالة ( اعزكم الله )
في النهاية اتمنى اني وصلت الصورة الصحيحة بدون مبالغة عن الوضع الي انا عشته في اول ليلة في لبنان الجميلة الجميل فقط : الفندق قريب جدا من مطعم منير :x1:
معوضين خيو