- اخواني العرب المسافرون
اخواني العرب المسافرون
حبيت اشارككم تجربتي لاني بصراحة استفدت من المنتدى الكثير حبيت اخبركم عن تجربة استئجار سيارة من مدينة فريلاسنج والتسليم في ميونخ , لاني لاحظت الكثير متردد ويسال , طبعا هذي اول تجربة لي فاستئجار سيارة في اوروبا , الكثير يسال عن سكست .. يورب كار .. هرتز وغيرهن من الشركات .. وانا بصراحة لاخر لحظة كنت مقرر اني احجز عن طريق سكست ورحت مكتبهم في مسقط ( اخوكم من عمان ) .. فحصلت ان السعر اللي عطوني اياه اكثر من الموقع نفسه ,طبعا موقعهم عالنت , وكنت ناوي احجز عن طريقهم , لحد ما اكتشفت وكيل لاستئجار السيارات وهو الموقع المعروف ... traveljigsaw وبصراحة ومن غير تردد حجزت معهم سيارة فولكس واجن (باسات 2012) لمدة خمس ايام , انا حجزت فشهر 6 والسفر 26/8 ..سحبوا فالبداية مبلغ بسيط( تقريبا 225 ريال سعودي) ... ووعدوني انهم راح يرسلوا الفوتشر تاريخ 6/8 وبالفعل ارسلوا الفوتشر وسحبوا باقي المبلغ (تقريبا 1265 ريالسعودي) يعني المجموع 1490 ريال سعودي بالتقريب , اما ليش حجزت عن طريق موقهم بدون تردد , لان مزاياهم افضل من الشركة نفسها , وهي كالتالي: 1) يبحث لك عن افضل سعر والمواصفات المطلوبة 2) حرية انك تكنسل الحجز , وترجع لك فلوسك كاملة لحد 48 ساعة من يوم الاستلام 3) الحجز بتامين شامل اللي انا ضفته بنفسي للحجز والسعر اللي فوق طبعا يشمله 4) الكيلومترات مفتوحة كما تعودنا في اوروبا 5) ايضا السعر يشمل رسوم استعمال الطرق اللي تحتاج استكر 6) بالاضافة الى مزايا اخرى ما حبيت اكتبها لاني اخاف اكون ما فهمت صح
هذا هي تجربتي لحد الان مع ترافل جيجسو ,اتمنى اني قدمت خدمة لكل متردد بموضوع الاستئجار , واسال الله سبحانه ان يتمم بخير, خصوصا اني رايح شهر عسل 26/8 , ارجو لكل من يمر على موضوعي ان يدعو لي ان يبارك الله في زواجي ويرزقني الذرية الصالحة. وانا جاهز لاي استفسار ..
