السلام عليكم ،
انا موظف مبتعث في المملكة المتحدة ، احتجت اني ارسل اغراض من السعودية ، ماعندي اي سابق خبرة في عملية نقل الأمتعة دوليا ،
اخترت مكتب الطيار لسمعته المشهورة ، ولانه يدعم خدمة " من الباب إلى الباب " door to door
كانت اغراضي تزن 79 كيلو ، اخذوا علي 2000 ريال سعودي .
القيمة غاليه شوي مقارنة بالبريد السعوي . مع العلم ان البريد السعودي عنده من الباب إلى الباب ، لكن فضلت الطيار طمعا بالخبرة كما انخدعت بها .
بعدما أرسل اخوي الاغراض لي من السعودية بثلاث ايام ، تفاجأت باتصال من مطار هيثرو من موظف بريطاني " يستفسر عن كمية الاغراض اللي ارسلتها " ، الامتعة عبارة عن 4 صناديق + 2 شنط
وقالي : ما وصلنا الا 4 صناديق ، لكن راح نبحث عن الشنطتين " وطلب مني صور للشنط ههه وارسلت له صور .
انتظرت يومين واتصلت عليهم " قال للاسف ماحصلناها "
كلمت مكتب الطيار في حائل > اللي اخوي ارسل منه الاغراض .
ورد علي المصري : احمد . وكالعادة قال :" ماتخفش ودي اول مره تحصلش "
بعد ثلاث ايام قلت خلاص ماراح القى الشنط .
من حسن حظي ان اخوي ملصق على كل شنطة ورقة تحتوي على اسمي وعنواني وارقامي بالانقلش .
استقبلت اتصال من عامل بنجلاديشي من مطار هيثرو يقول " الشنط هذي لها يومين عندي مادري كيف جتني ؟؟" وتواصلت معه وحصلت الشنط .
الحمدلله حصلت الشنط عن طريق الورقه اللي علي الشنطة .

• اللي حبيت انبهكم واحذركم عنه :

الاغراض اللي في الشنط كان قيمتها حوالي 12000 ريال ، ملابس جديدة وغالية الثمن .
ولو ضاعت الشنط ! راح يعوضونك عن كل 1 كيلو =25 دولار فقط
وهذا الشي ماكنت ادري عنه قبل مارسل الامتعة ! ولا علموني عنه شركة الطيار ، وماهو مكتوب بالعقد " كالعادة مافيه حماية للمستهلك "
يعني الشنطتين تقريبا 45 كيلو !
5* 25 = 1125 دولار تقريبا 4100 ريال سعودي
وكان بيروح علي الاف لولا الله ثم الورقة !