- ثالثا/ توجد شركة التعاونية والعالمية بنفس الموقع لمن يرغب التأمين
السلام عليكم ورحمة الله وبركاته حبيت انقل لكم تجربتي مع الفيزا البريطانية وحبيت انقل بعض المعلومات الي توصلت اليها بعد إنهاء الاجراءات من مكتب التأشيرات بام الحمام بالرياض
اولا/ انا رحلتي انا والعائلة و4 اطفال في اغسطس بدري بس حبيت ارتب اموري ايضا بدري وركزو بهالنقطه راح ارجع لها .
ثانيا/ مكتب التأشيرات بام الحمام بالرياض الوصف / تمشي مع طريق الملك فهد وبعد ماتعدي برج الفيصلية يجيك طريق مكة المكرمة على اليمين تروح معه وتعدي الكبري الاول والثاني بعدين يجيك مخرج ام الحمام ادخل معه وخالك ماشي دائم على اليمين لان فيه ثلاث فتحات وممكن تضيع بعدين تجيك اشارة ديور معها وتلقى مكتب التأشيرات على يميك بوسط سوق .
ثالثا/ توجد شركة التعاونية والعالمية بنفس الموقع لمن يرغب التأمين
رابعا / الفيزا البريطانية لا يطلبون تأمين ( انا امنت من العالمية 22 يوم ب1040 ريال كنت اتوقع انهم يطلبونها يالله الحمد لله ممكن نحتاج التأمين بعدين ) واول ماتدخل المكتب بالدور الثاني تلقى موظفي استقبال على يميك خذ منهم رقم
خامسا / يوجد ثلاث مكاتب بالفيزا البريطانية VIP + مكتب للرجال + مكتب للعوائل لذلك عند اختيار تحديد الموعد وخاصة للعوائل اختر الاختيار الثاني للعائلة لا تتوهقون زيي لاني اخترت الرجل وبغوا يردوني لولا اخت سعوديه جزاها الله خير ضبطت الوضع .
سادسا/ الموظفين والموظفات كلهم سعوديات يعني لاتشيل هم اللغه وحقيقة تعاملهم سهل وممتاز .
سابعا / الاوراق المطلوبة موعدك + البلاكيشن الي عبيته عن طريق النت + كشف حساب 3 شهور + تعريف من العمل مترجم + حجز الفنادق + التذاكر + الصور الشخصية فقط لاغير
ثامنا / نعود للنقطة رقم واحد والي قلت ركزو عليه بحكم اني رحلتي باغسطس وبدري قالت لي الموظفه السعوديه ممكن يرفضون طلبك لانك جاي بدري وهم لايقبلون الا قبل 3 شهور قلت لها ارفعي وربك يسهلها ان شاء الله
اخيرا / عند اخذ البصما كان احد اولادي 10 سنوات شايل هم وعلمته ان سئلتك الموظفه عن تاريخ ميلادك قل 24/7 وطول الوقت وهو يردد تاريخ ميلادي وعندما دخل على الموظفه سئلته عن اسمه قال 24/7 ههه
تحياتي وانا بالخدمه لاي سؤال
