زرتPoble Espanyol village قبل امس وكنت حريصة على الزياره لاني احب شغلات الصناعات اليدويه عموماً اكثر شيئ اعجبني صناعة الزجاج وكنت متحمسه اني بشوف رقصات فلامنكو لكن ماشفت اثناء تواجدي فيها ، لكن شفت شيئ لفت انتباهي زيت زيتون بنكهات حبيت فكرة انه يكون هدية لناس اعزهم ويقدرون هالشغلات كانت بكرتون جميل وفيه عبوات صغار لنكهات متعددة اخذت واحد ب28€ ويوم قربت اطلع رجعت واخذت الثاني لاني سألت البنت في المحل هل احصله في كل مكان قالت ماعتقد لكن في المتاجر الكبيرة مثل هارفي نيكلز قلت بس اكيد هناك بيبيعونه بمبلغ اكبر وكذا زاد بعيني انه شيئ يستاهل طلعنا وكان ودي اشتري زعفران منها بسعر مجنون بس الحمدلله عقلت بعد العصر رحنا لا بوكاريا لقيت الزيت بكذا محل نفسه تخيلوا بكم ؟؟؟؟؟؟ 15€ يعني فرق13€ في الكرتون الواحد ولقيت الزعفران بس ماتذكر كم فرق السعر واخذت حلق من محل ب77 ولقيت نفس الشغل ب22 بمحل خلف شقتنا ,,,نصيحة لاتشترون من داخل القرية كل شيئ بتحصلونه برا غالباً و لابد من قرأة دعاء دخول السوق وهذا شيئ لاحظته اذا قلت هذا الدعاء سبحان الله ما اطلع واتندم ببركة هذا الدعاء وانا للأسف نسيت حتى اذكاري مع تغيير الروتين