اهلا بالجميع
مالقيت احد تطرق للموضوع هذا مع اهميته بالنسبه للتنقلات الجويه بين مدن اوروبا
الحقيقه كثرت تنقلاتي بين دول اوروبا خلاني ابحث عن ارخص وافضل طيران اقتصادي والشركات اللي جربتها هي شركتين
easyjet
ryanair
طلعت على ايزي جت اكثر من مره
واغلبها اطلع من لندن لان مركزها في لندن وتخدم الدول الثانيه
هو ببساطه باص جوي مثل سما وناس مع اختلاف الخدمه واحترافيتها
جربتها لكل من الرجلات التاليه
لندن الى ميلان
البندقيه الى لندن
لندن برلين
اما بالنسبه لخطوط ryanair
فجربتها مره وحده
لندن الى روما
طبعا المقر الرئيسي ل easyjet
هو مطار Gatwick وهو يبعد عن لندن ب 30 دقيقه وتقدر تطلع له من محطة فيكتوريا وفيه محطه ثانيه مااذكرها
اما ال ryanair
فمقرها الرئيسي مطار stansted ويبعد عن لند ب 40 دقيقه وتقدر تطلع له من محطة ليفربول
وانا ماانصح نهائيا باستخدام التكاسي او الميني كاب لانها غاليه جدا
وتقدر تستخدم الباصات كذلك بس مدتها اطول ولكنها ارخص ولان القطار يقفل على 12 بالليل
easyjet اوسع انتشارا من ryanair وتخدم كثير من المدن
طبعا لايخلو الامر من التأخير في الرحلات وحصل لي مره انها تكنسلت رحله وجلست لليوم الثاني بس هم يوفرون لك سكن
تأخير ابو ساعه ترى عادي جدا
بس انها رخيصه يعني اذكر حجزت الى برلين ب 24 باوند طبعا مع اضافة الضرايب وصلت الى 50
واعرف واحد من الشباب راح البندقيه مع زوجته ماكلفته الرحله ذهاب وعوده الا 300 ريال
طبعا لاتستخدم مطار stansted اذا كانت رحلتك الى لندن وليس منها
لان الجوازات هناك صعبه مره
جيت عليه مع صديقي وجلست ساعه كامله تحقيق واعرف شخص عربي عنده الجنسيه البريطانيه ونفس الشيء تحقيق وايضا زملاء لي استخدموه ونفس الحكايه
ومواقعها :
http://www.ryanair.com/site/EN/
واي استفسار انا جاهز