- السلام عليكم .. حياكم الله ..
السلام عليكم .. حياكم الله ..
بالأمس ذهبت لمكتب التأشيرات الموحد من أجل استخراج فيزا الشنقن وكان موعدنا مع بداية الدوام الساعة 9 ، حضرت الساعة 7 ونص وكان في ناس ماسكين سرا ومع مضي الوقت يزيدون المهم كنت مجهز كل الاوراق من مجاميعه الا ورقة الموعد رفض الموقع يطبعها*
صعدنا فوق الساعة 9 الا ربع وصفينا سرا امام كاونتر الارقام وكان الطابور مزدحم
الساعة 9 بدأ توزيع الارقام تعطيه ورقة الموعد ويعطيك رقم للسفارة الي انت حاجز فيها*
جاء دوري قالي وين الموعد قلت رفض الموقع طباعتها قالي عندك موعد قلت اكيد طلع الكشف*
وقال وين اسمك وشيك الجواز وعطاني رقم بكل سهولة ورحنا للمكاتب الخاصة بالسفارة
الفرنسية وخلصنا تسليم الاوراق والتبصيم في ظرف 20 دقيقة ..
البصمة تكفيك لمدة خمس سنوات قادمة بحيث لايتطلب حضورك للتبصيم مرة اخرى اذا اردت
استخراج فيزة شنقن لانه عند التبصيم يعطونك ورقة فيها صورتك مختومة عشان اذا جيت تقدم مرة ثانية مايحتاج حضورك ممكن اي مكتب يخلصها لك بشرط تكون هالورقة مرفقة مع الطلب ..
الامور سهالات بس احرص تحجز وقت بدري ان حصل عشان تخلص بسرعة وقبل تزاحم الناس ..
بالنسبة للمتطلبات مثل ماهي مذكورة في مواضيع مثبته بالمنتدى ..
1/ الجواز + صورة للجواز الصفحة الاولى الي فيها صورتك وبياناتك والفيز السابقة اياً كنت + صورتين مكشوف الرأس 4*6 طبعا اخذ مني صورة فقط ..
2/ كشف الحساب البنكي انجليزي .. شافه الموظف ورجعه لي وطلب مني بطاقة الفيزا وصورها وقالي تكفي .. بس احتياط جب كشف الحساب ..
3/ تعريف بالعمل مترجم ..
4/ التأمين الصحي من مكتب التعاونية او اي مكتب ثاني وكل مازادت المدة كل ماكان فترة التأشيرة اطول وليست شرط لان بعض السفارات تعطيك سنة لو تأمينك شهر ..
5/ تعبي الابليكشن *باليد عبارة عن ورقتين سهل جداً ..
6/ حجز فندق للدولة الي بتسافر لها من بوكينق حجز مجاني ..
7/ حجز طيران من النت ولا من اي مكتب مو شرط مدفوع اهم شي فيها رقم حجز وتاريخ الرحلة ..
- نهاية دوامهم برمضان يوم 29 *..
بالتوفيق للجميع ....
حياك الله ياغالي
شكرا لك لذكر تجربتك