سلام عليكم .حابة اعطيكم تجربتي في الفنادق الي سكنا فيها
في زيلامسي وميونخ
فندق ميونخ
اخذنا فندق ليله وحدة في الوصول لانو وصلنا ميونخ ليلا
وكان قريب من المطار جدا
https://www.booking.com/hotel/de/daimerwirt.ar.html?aid=1300939 هذي هي غرفتنا من الموقع جبتها
الفندق نظيف وجديد اثاثه ورائحة الغرف والحمامات ربي يكرمكم نظيفه ومرتبه
حجم الغرفه صغير بعض الشي لكن في مساحة جانبيه جنب السرير
الحمام مرتب وفي مستلزماته كامله وكان سعره ليلة وحدة 340 ريال
العيوب مافيها شي الحمدلله وصاحبة الفندق رائعه وخدومة
فية تكييف
شقق زيلامسي
https://www.booking.com/hotel/at/appartements-steiner.ar.html?aid=1300939 هذي صورة الغرفه
الشقه جميلة نظيفه مساحتها معقولة غرفتين ومطبخ وبلكونة
اخناها بي 2200 ريال لمدة اسبوع الحجز كان من قبل بشهور يمكن 4 شهور
العيوب الشقه ماهي مودرن النت يقطع بعض الشي
و فيه رواد كثير من الخليجين شفنا عائلتين اماراتيه وسعودية وكويتي
الشقق قريب من البحيرة مرة نروح مشي لها وهي على مرتفع بسيط لايذكر وحتى البحيرة تقدرون تشوفونها من البلكونة والشبابيك
المطبخ كامل كل شي فيه .. واستمتعت وانا اطبخ وقدامي منظر البحيرة ورذاذ المطر في شي يحمس للطبخ مو عندنا مطابخنا مطله على المنور ووزاغي تشرف على الطبخ
التلفزيون مافي قناة عربيه كلها قنواتهم واغلبها اخبار
المسئوله كانت كويسه وتعاملها كويس وبشوشه ونادرا نشوفها
الشقق فيها محلات لبيع الملابس الشنط الجكيتات لكن مبالغ باسعارها وهي جدا عاديه يعني جكيت جلد بي 3الاف ريال
مواقف السياارات مجانا ووسيع ويكفي لكذا سيارة
باختصار جميله ولو ربي كتب لنا سفرة راح اسكن فيها
صح مطعم علي بابا الفرع الكبير جنب الفندق نجي له مشي الفندق على ارتفاع المطعم على النزلة
ايضا من عيوب الفندق لايوجد اصنصير لكن الدرج مو طويل مررة ومتعب كان يمشي حاله
فندق ميويخ لمدة3ليالي
https://www.booking.com/hotel/de/nhdeutscherkaiser.ar.html?aid=1300939 سعرة 2062 لمدة 3ليالي
موقعه ممتاز محطة القطارات والمتررو امام الفندق بالظبط
الغرفه ديلوكس
الغرفه جميلة ورائحتها حلوة حاطين فواحة
الشباك كبير وقزاز ومنظر المباني والمحطة عجبني جدا
ومرتفع مررة
الحمامات الله يكرمكم شكلها مجدة
فيها تكييف
الحمام مساحته معقولة
عيوب الغرفه السرير خمونا فيه ماهو مزدوج طلع فردي بس دافينه جنب بعض
خدمة الغرف جيدة في حرمة كبيرة بالسن تنظف كل مانخرج
الفندق شفنا عائله سعودية واماراتيه والباقي اجانب
في 2 اصنصير
النت بفلوس مواقف السيارات بفلوس 22 يورو بس الفندق مسوي تخفيض لنا خلاها16يوررو والمواقف ورا الفندق مو نفس المبنى
التلفزيون مرة ماشتغل خير شر
كمان من عيوب الفندق العاملين تحت كانت في موظفه اخلاقها في خشمها وترد من طرف خشمها
ومستحيل تبتسم بوجهك تسال انتو من وين قلنا سعودي والاخلاق زادت وردات فعلها زي يعني انتو العرب اجي اخدمكم انا !!
الفطور غاالي الشخص بي 100 ريال بس مافطرنا عندهم جايبين معانا لوزين الملازمة لكل سفرة وفطرنا عليها
موقع الفندق كمان قريب من شاررع كله اتراك ومطاعم تركية وايرانيه ومحلات شعبيه تركيه كأنة البلد الي بجدة
بقلكم شي لما تخرجون من الغرفة تأكدو انكم مانسيتو شي
مرة نسيت الميوري حق الكام بالفندق ورجعت ادور له ماحصلته طلع العاملة رفعته فوق الرف الي جنب السرير وانا كنت حاطته على الطاولة بعد ماعفست الغرفه طلع بالرف وجوا مرة ماينشاف
وبس هذي تجاربي بالفنادق والحمدلله توفقنا فيها واسعارها كانت مرضيه الحمدلله
موفقين والسموحة لو في شي ملخبط اي استفسار جاهزة .
فعلاً هذا ما يحتاجه المسافر العربي
لو فيه صور اطلالات يكون احلا
اتمنى لو تكتبين تجربتك في فنادق ميونخ افضل
تقبلي تحياتي وفائق احترامي