يأخوان ابتكلم بصراحة وبدون اسفاف أوتجني وسأحاول أن أكون منطقي في ملاحظاتي واليكم القصة:-
أولاً:- قررت السفر الى أندونيسيا أنا والعائلة ثم ذهبت الى مكتب فرسان السياحة وبالموت يا الله لقيت تذاكر اسعارها ممتازة وكان سعر التذكرة 2520 ريال هذا وقت الزحمة والموسم المهم حجزنا التذاكر على طيران الإتحاد الرياض أبوظبي جاكرتا وبالعكس وكان الطيران رائع وفيه وسائل ترفية مرة حلوة ولكن يعيب طيران الإتحاد الوجبات غريبة شوي واغلبها حارة وفيها فلفل باختصار عشان ماطول عليكم وصلنا جاكرتا وبصراحة بصراحة اول انطباع عن البلد ماكان كويس نظرات الموظفين ماكانت كويسة لا إبتسامات ولا ترحيب
حجزت من مكتب كاها في المطار وقلت لهم أسم الفندق الي ابغاه وهو أسمة (قرين اليا تشيكني )وسكنوني في فندق ثاني بالغلط لأن اسمه يشبه اسم الفندق الي ابغاه وهو اسمه (اليا تشيكني) ومانتبهت للفوتشر حق الفندق ورحنا مع التاكسي بعد ما دوخونا هدية هدية هدية والمشكلة مايرضون بالقليل ولايقولون الحمد لله وصلنا الفندق وبصراحة سيئ للغاية مرة مرة ومارضيت اسكن فيه لأن الغلط غلط مكتب كاها ماسمعوني صح المهم اضطريت أني ارجع المطار لمكتب كاها عشان أغير الفندق لأن مكتب كاها الي في جاكرتا رفض التعاون معي ورحت وتخيلو ياشباب اني لسه واصل يعني مانمت بعد عناء السفر والعائلة في الفندق ينتظروني غيرت الفندق من مكتب كاها الي في المطار الى الفندق الي ابغاه ورجعت ابي أخذ اغراضي من الفندق الأول عشان اروح للفندق الثاني ويقولي موظف الريسبشن التعبان لازم تدفع حق ليلة كاملة عشان 3 ساعات تقريباً قعدنا فيها في الفندق ماختلفنا هذا حقه لاكن أن قايل لهم أني مابغى الغرفة وبغير الفندق وليش ادفع ليلة وهي ماهي غلطتي غلطت مكتب كاها ومكتب كاها رجعلي افلوسي ويقوم موظف الريسبشن ويسوي حركة مالها داعي ويرسل موظف الشنط على أنه بينزل الشنط وياخذهم ويحجزهم عنده في الرسيسبشن شوف الحركة البايخة قمة الإستفزاز وش هالأسلوب السياحي الرخيص وللمعلومية الفندق الآخر نفس الشركة وتقفل عندي والأهل جالسين في الوبي ويقوم موظف الإستقبال ويطفي المكيف شوف الحركة ويطفي الإنارة الي في الوبي وأناصابر بس بعد ماهزئتهم بالكلاام ولكن الحمد لله كان لي قريب في أندونيسيا موجود في ذاك الوقت وكان له زميل سعودي مقيم في أندونيسيا يعني يعرف لغتهم ومداخلهم ومخارجهم والله واتصل عليه وأقوله السالفة قالي حنا جاين لك وبالفعل وصلو عندي بعد مارحنا الفندق الثاني وداخلت العايلة فيه وخلينا بعض الشنط عند الفندق الأول وللمعلومية الفندق الثاني أفضل من الفندق الأول بشئ بسيط يعني ماانصح فيه أبد والله يهدي زميلنا في المنتدى وبصراحة مأذكر اسمة الي دلنا عليه واستقل الفرصة واوجه نداء الى جميع أعضاء المنتدى أنهم يتحرون الدقة في مثل هذه الأمور ولاينقلون اي شيئ قبل التأكد منه وللأسف كانت هناك صور غير حقيقية ومضللة في المنتدى عن هذا الفندق السيئ انتبهو منها والمهم اول ماحطينا اغراضنا في الفندق حسينا بشيئ غريب كل ماحولنا يهتز يعني كل الفندق يهتز وطلع زلازال في سومطرة قوته 7 ريختر واثر على جاكرتا واخترعو وخافوا العيال وقالو رجعنا لبلدنا ولا ماليزيا ياولد غير بدل شها الكلام قالو الي سمعته قلت تريثو اشوي لين نجيب الشنط من الفندق الأول وبعدين نفكر بهدوء ورحنا للفندق ونزل خوينا السعودي المقيم في اندونيسيا مع قريبي وجلست أن في السيارة مع خوي قريبي واشوي وأنا اناظر من نافذة السيارة الا والنقاش يحتد بينهم الي هو موظف الإستقبال والمقيم السعودي في اندونيسيا ونزلت أنا تحسباً لأي طارئ الا و يلف المقيم السعودي هذا لهم من ورا الكونتر ويضرب الموظف على كتفه بقوة ويخاف الموظف ويدور المدير قاله نايم في غرفة صغيره خلف الإستقبال ويضرب الباب برجله بقوة ويدخل عليه ويقوم المدير متروع من دفرة الباب وعلى طول رضخ لرغباتنا وسلمنا الشنط وتخيلو الموقف الي أنا فيه من قمة السعادة وحاط يدي على خدي ومتسند على طاولة الإستقبال وقاعد ابتسم بصراحة برد قلبي فيهم وكني أقولهم عشان مرة ثانية تعرفون كيف تتعاملون مع السواح وبعد ماخذينا الشنط عطيناهم الفلوس على جزمة زي مايقولون الحقيقة يأخوان أن اكثر مأغاضني هو الأسلوب الرخيص الي عاملوني فيه المهم بعد هالمشاكل الي واجهتني في أول يوم من وصولي جاكرتا وبعد الزلازال قررت السفر الى ماليزيا وأكملت رحلتي هناك طبعاً بعد ماتلتحت في السكن لأني مارتبته من بلدي ولا كانت ماليزيا في الحسبان الي طبعا كانت غالية مرة وتفرق عن اندونيسيا كثير الي ابغا اقوله حتى أكون منصف أن اندونيسيا فيها مناظر واماكن للسياحة روعة لكن بعض الشعب الأندونيسي سيئ في التعامل وينظر للأمور نظرة مادية واستقلالية بحته وتراها بدأت في الغلاء يعني ارتفعت الأسعار عندهم كثير .
اردت طرح هذه التجربة بين ايديكم حتى يستفيد منها من اراد الإستفادة والسلام ختام .