- السلام عليكم ورحمة الله
- أول شي الحمدلله على كل حال,,,وعسى أن تكرهو شيئا وهو خير لكم....
السلام عليكم ورحمة الله
أول شي الحمدلله على كل حال,,,وعسى أن تكرهو شيئا وهو خير لكم....
في البدايه كنت أحاول أقنع زوجي انا نروح دبي الاجازه الجايه (اجازة منتصف الفصل الثاني) وكان رافض تماما الفكره عأساس عندنا أولويات لازم نخلصها وتعديلات في البيت لازم نسويها...لكني حاولت أحجز شقه لعل وعسى يغير رأيه لما تقرب الاجازه وبالفعل حجزت شقه( جناح بغرفة نوم وحده) في شقق فندقيه اسمها mazoon hotel apartment وكان حجزي من يوم 6 مارس يعني قبل الاجازه بشهر كامل وفعلا حصلت سعر حلو حق 7 ليالي شامله الفطور.. السعر النهائي للغرفة AED 2625.00
طبعا السعر خرافي وصور الشقق وموقعها القريب من شارع زايد شجعني أفاتح زوجي مره ثانيه وطبعا وافق بس على مضض
من ضمن شروط الحجز انه مايتم سحب شي من البطاقه لحد قبل الوصول بيوم ولا حتى يحجزون أي مبلغ.....لكن جات رساله لزوجي من البنك تفيد بمحاولة سحب من هذا الفندق بمبلغ 400 ريال لكن العمليه رفضت طبعا الرجال عصب وهدد بوقف البطاقه وأنا أهديه وأحاول أحتوي الموقف وفعلا اتصلت عليهم وكلمني شخص عربي وفي البدايه أنكر محاولة السحب بعدين قال أحنا نحجز مبلغ بس مانسحب وان حجزكم مازال موجود ولما قلت له ليه ماذكرتو هذا في البوكينق قال عادي مو شرط يذكر طيب عديناها وقلنا أهم شي حجزنا ساري ...
خلال هذي الفتره كنت كل شوي أشيك على موقع البوكينق وأشوف الفنادق وأسعارها لقيت نفس شقتنا ارتفع سعرها الى 8900 درهم وحمدت ربي اني أخذتها بسعر حلو واني حجزت بدري
طيب مره ثانيه يرسلون لي البوكينق يقولون حجزكم ممكن يلغى لأن معلومات البطاقه غير صحيحه,شلون؟ وأتصل على الفندق مباشره ويرد علي شخص غير عربي وياخذبياناتي ورقمي عأساس بيتصل علي والى هاللحظه مافيه رد...
واليوم طبعا البوكينق أرسل لي ايميل بأن الحجز تم الغائه,,,وزوجي طبعا عصب وكنسل السفره تماما لأنه من الأساس وافق وهو مش مقتنع ولما صادفتنا هالعقبات ألغى الفكره تماما
وألحين أدخل على البوكينق مره ثانيه وألقى نفس شقتنا ب11435.72 ريال لنفس الفتره وبدون فطور
ساعتها عرفت ان الموضوع من الأساس قايم على التطفيش والطمع طبعا رحلتي كلها تكنسلت والحمدلله على كل حال بس حسيتها غصه بقلبي كل اللي صار وتمنيت اني حجزت شقه ثانيه يمكن ماكان هذا حالي
