- انا كتبت هذا الموضوع عشان نلفت المسئولين وأصحاب هذي الإمكان
السلام عليكم ورحمة الله وبركاته
دائما الواحد يبحث عن الأفضل ومن خلال محركات البحث أمثال قوقل يبدآ بكتابة اسم الفندق او المنتجع
و يبحث عن مميزات المكان ان كان على مستوى النظافة والأثاث او مستوى تعامل طاقم الفندق وخدماته المميزة والأسعار ..
وينظر إلى ارآء الناس من مدح وذم لهذه الاماكن ..وبنفس الوقت تتعجب من هذا المكان .. له سمعه طيبة ومن تجارب الأشخاص تجده اسواء مكان .. وبالاخير نبحث عن الشفافيه التامة ومصداقية تجاربهم
وخير برهان هناالصور هي الإثبات الكبير وخير شاهد ..
انا كتبت هذا الموضوع عشان نلفت المسئولين وأصحاب هذي الإمكان
إلي الانتباه لمثل هذي الأمور اللي تهم المواطن والزائر والسائح عامة ولعل ان يكون هناك تغير جذري
قبل 3 سنوات عند افتتاح منتجع وشاليهات مرسى الاحلام الليث حبينا نغير عن منتجعات وشاليهات ابحر بجده ونبحث عن الأفضل كانت تجربة رائعة لأن كل شي جديد والمكان جديد وبحر الليث نظيف وأجمل وخاصة لهواة صيد السمك والسباحة وركوب اليخوت وزيارة الجزر ..
هالسنة حبينا نكرر التجربة وكان رابع ايام العيد اتصلنا للحجز وحجزنا 3 غرف نظام الشاليه استديو غرفة لشخصين ومطبخ وحمام وانتم بكرامه ..وكلها مفتوحه على بعض
وصلنا الساعه 6 المغرب واستلمنا الغرف و الشاليه كان مزحوم ..
كل واحد دخل الغرفة و انصدمنا بجد كانت وسخه ومقرفة والمفارش ماتقدر تحط راسكم عليها رغم نحن ما نقصر نجيب معنا مخدات ومفارش زيادة واحتياط
والحمام الله يكرمكم مقرف والمطبخ والجدار والستائر متسخه ..
يعني مستوى النظافة عدم .. والله ماكملنا ال 17 ساعه ورجعنا اليوم الثاني الصباح حتى لا نوم ولاهم يحزنون وانا وحده موسوسة ماقدر انام كيف بمكان مو نظيف حشرات ووزغ ميت وربي وباء وع
قضينا اغلب الوقت على البحر لين اخذنا لون برونزاج .. بعد مادفعنا فلوسنا ..
لأن كان المشوار بعيد ساعتين ونصف وتعب نرجع بنفس الوقت
طلبنا منهم تغير المفارش قالوا مافي مفارش !!!!
وحده حصلتها في الشاليه تقول انها لقت وزغ تحت السرير ميت
انا هنا اللوم المسئولين يعني اش يكلفه لو جا وشيك على الغرف !!!!
ويشوف اش ناقصها ويدقق على العمال هل هم قايمين بالواجب او في اهمال ..
عندنا عماله اوسخ ناس بالعالم ..احد يسلم بنغالي ينظف غرف !!!!
المنتجع يكون جديد واللي يدمره الطاقم اللي مسئول عليه ..
وترى للعلم حتى منتجعات وشاليهات ابحر صار لنا نفس الموقف لكن ارحم بشوي .. ودايم اسمع عن افتتاح منتجع او شاليه اوقول اعطوه كم سنة وويتغير ويصر اسواء من قبل وهذا اغلب شاليهتنا..والله تشكي
انا سافرت كذا دولة وشفت بعيني منتجع سياحي رحت له مرتين خلال كم سنه بينهم ورجعت له نفس المنتجع ولقيت تغير ونظافة واحسن من أول وكل مالهم في تطور وتندهش من التقدم اللي واصلين له
ادفع وطز في الفلوس لكن ياناس ابغي شي نظيف ارتاح فيه نفسيا مو تجيني كوابيس ..
حرام والله في هذي البلد ما يلاقي شي مكان يجلس فيه وهو مرتاح ..
يقلك وش جبرك على المر .. قال الامر منه ..
صورت لكم كم صوره لعالها تثبت لكم ما يجري هناك
الحمام وانتم بكرامه ماصورته مايحتاج
ولا السرير لأن طلبنا ياخذون مفارشهم حقتهم الوسخة من فوقها ..
اللي يتقرف لايشوف الصوره اللي تحت
وزغ ميت وع وفي كل مكان
جدار وسخ بس التصوير ظلمه ومطلعه نظيف خ
ارضية المطبخ
فتحت الباب من الليل وهذي مكانه محد جا ونظف
ترى الهوا جاب قارورة الموية والمنديل لحد الباب
واعتقد ليومك هذا محد شالها < دعابة
حاطين زينه شجر قلك مكسره ومقطع الشجر
تحياتي لكم
ما أقول سوى ( لا حول ولا قوة إلا بالله )
معقول هذا مستوى شاليهات مرسى الأحلام بالليث اللي صجّونا عليها بالدعاية والإعلان بوسائل الأعلام والنت ؟!!!
مع الأسف .. كل همّ رجال أعمالنا والمستثمرين في مجال السياحة هو تحقيق أقصى ربح ممكن دون الإلتفات إلى مستوى جودة الخدمات المقدمة للعملاء
لا نروح بعيد ونقارن مرافقنا السياحية بمرافق دول الغرب ودول الشرق الأقصى ، فالبون شاسع جدا ، لكن لنقارن بدول الجوار على الأقل مثل شرم الشيخ بمصر و دبي بالإمارات ، أيضا لن تكون المقارنة في صالحنا
السؤال هنا : أين الهيئة العامة للسياحة والآثار ؟ هل يقتصر دورها على نشر وترويج السياحة الداخلية في بعض وسائل الأعلام ؟ أليس لها دور رقابي على المرافق السياحية وتقييم مستوى خدماتها ؟ ما لاحظه العامة هو أن الهيئة الموقرة تركت الحبل على الغارب لملاك المنتجعات والشاليهات لذبح السياح والمصطافين من غير قبلة وسلخهم وهم أحياء ، فأسعار المنتجعات والشاليهات نار بمختلف مدن المملكة والخدمات تحت الصفر ، وبدلا من أن يقضي المواطن أو المقيم ليلة بإحدى منتجعاتنا ويدفع الشيئ الفلاني ، بإمكانه أن يقضي أسبوعا كاملا بنفس التكلفة بمنتجعات دول جنوب شرق آسيا ويتمتع بأرقى الخدمات وأحسن معاملة
شكرا لك أختي إمرأة لا تنسى على إطلاعنا على تجربتك السيئة ، متمنيا لك تجربة سعيدة في المستقبل القريب