السلام عليكم ورحمة الله وبركاته
اهلا وسهلا فيكم الاخوة والاخوات اعضاء هذا المنتدى الجميل
ابشركم انا الان بالمنطقة الشرقية وبالتحديد مدينة الخبر
وانا في الاصل من اهل الرياض ولكني حريص جدا على زيارة المنطقة الشرقية لماتتمتع به من أجواء
جميلة وهادئة جدا وما أجده فيها من الكافيهات الراقية والمطاعم الفخمة حقيقة كل شئ مميز فيها
بسم الله ( ندخل في الموضوع )
انا الحقيقة بنقل لكم تجربتي الخاصة في مطعم مميز جدا في المنطقة الشرقية وبالتحديد في الخبر
وهذا المطعم هو ( مطعم القرية الصيني ) ويقع بطريق خادم الحرمين بجوار بيت الكباب المطعم قديم
وهو في بدروم تحت الارض لكن بصراحة مطعم سحر انا بصراحة على كثر ما دخلت مطاعم على
أعلى المستويات لكني بصراحة لم اجد في حياتي مطعم افضل من هذا المطعم مطعم مميز في
جلساته ويقدم اطباق شهية ومميزة صراحة شئ حلو بالاضافة الى ان سعره معقول في نظري
مقارنة بالمطاعم الاخرى
والغريب في الامر انه يقدم اطباق غريبة في مسمياتها لم اجد مثلها في بقية المطاعم الصينية
الموجودة بالرياض مثل ( كفتة البطاطس كاي تشاي وربيان تامبورا ) صراحة اكلات طعمها خيال
وسبحان الله اعرف هذا المطعم من سنوات ولم يتغير نفس الطعم والجودة والسعر حتى الان لم
يتغير اي شئ والله مطعم يستاهل الزيارة .
تصدقون دائما استفتح سفريتي للمنطقة الشرقية بالعشاء في هذا المطعم واحيان نفكر نسافر
للشرقية فقط لزيارة هذا المطعم وانا واسرتي الكريمة ممثلة في زوجتي واطفالي اصبحنا مدمنين
عليه وياليت عندنا مثله بالرياض كان تصير علوم
عالعموم انا انصح من اراد زيارة هذا المطعم باطباق حلوة مثل ( شربة داج الذرة والمكرونة المشكلة
وسمك بوتي مشوي وجميع الاطباق الصينية مميزة جدا والمنيو موضح فيه كل شئ كتابة وصورة
والعاملين فيه على مستوى كبير من النظافة والادب مع الزبائن
ومن المواقف الطريقة التي دائما اكررها عند زيارتي لهذا المطعم
اني بصراحة في كل زيارة لي في هذا المطعم اجلس امدح كل شئ بالمطعم وفي كل زياة امدح
الجدران والسقف والطاولة والكراسي والأكل والسعر لدرجة ان ( ابوالشباب ) تقولي يابن الحلال
انت محترف في مدح الجمادات التفت لي شوي ههه وش
اسوي والله مو مني من هالمطعم الي سحرني بطعم اكلاته
ومن المواقف المحرجة والتي اتعرض لها دائما ايضا عند زيارتي للمطعم
فيه بالمطعم بركة سباحة ههه مو بركة نافورة او حوض يوجد فيه بعض الاسماك
اطفالي الله يهديهم دائما اذا انتهوا من العشاء نصرفهم شوي نقولوهم قوموا غسلوا المشكلة
هم يجلسون ينططون حوالين البركة وفي الاخير يطيحون جوا الموية وصارت اكثر من مرة الشباب
داخلين جو رومنسي وبالاخير صارت ليلتنا طين ههه فلذلك انصح من كان لديه اطفال
ينتبه عليهم من الوقوع بالموية خشية ان يصابوا بمكروه لاقدر الله
عالعموم احببت انقل لكم تصوري عن هذا المطعم وتجربتي الخاصة فيه واتمنى من كان له تجربه
اخرى فبه يحكي لنا ولايقصر ادري فيه ناس كثر يحبونه من اهل الرياض ويروحون للشرقية عشانه
يعطيكم الف عافية واعذروني لاني مانزلت صور عندي مليون صورة وصورة لكن المشكلة ما اعرف
كيف انزلها في المنتدى
وتقبلوا فائق احترامي وتقديري
محبكم في الله الباهر الماهر