وعليكم السلام ورحمة الله وبركاته
هلا وغلا مشط عجوز
وحياكم الله بين اخوانكم وخواتكم وان شاءالله اتفيدون وتستفيدون
الفندق ماننصحكم فيه وفيه افضل منه على نفس الشارع
بس يعتمد على تاريخ سفركم + الميزانيه
حددوا التاريخ وفالكم طيب

اريد الليلة ب 500 او أقل ابي ارخص فندق
لماذا ماتنصحوني بهذا الفندق ايش السبب ؟
تاريخ السفر بالعطله الصيفية بس مابعد تمت الحجوزات

اول شي الفندق نجمتين بمعنى ان النظافه اتكون مترديه او متدنيه !
وثاني شي موقع بوكنق معطينه تقييم نازل واجد ..
ممكن اتحددين تاريخ تقريبي لسفركم اذا ماعليكم امر

شهر 7 أو 8
من نهاية 7 وبداية 8 اومنتصف 8 بس بالضبط مدري !
جزاكم الله خير

حنا 6 اشخاص من ضمننا طفلين فاحتمال ناخذ غرفتين عشان كذا ودي بفنادق سعرها رخيص
احتمال 10 ايام هناك

هلا وغلا مشط العجوز
ابشري لقيت كذا فندق ولكن هذولا افضل الموجود
https://www.booking.com/hotel/gb/ruddimanshotel.html?aid=1300939
وان شاءالله تعجبكم
واي خدمه احنا في الخدمه

فنادق ينصح بها في لندن1-Thistle Marble Arch2- Cumberland3- Hilton Metropole4- Royal Lancaster 5- Millennium Mayfair6- Coruse Hyde Park7- Indigo8- Churchill Regency Hyatt9- Radisson SAS Portman10- The Montcalm

1. الفنادق اللي ذكروها الشباب تعتبر كويسه

بالنسبة للفندق اللي مختارته ما انصح فيه بسبب التقييم الموجود في موقع بوكنق

الفنادق اللي ذكروها الشباب تعتبر كويسه

فندق abbeycourt و westpoint كلها نفس الفندق او الشركة المشغله وتعتبر ثلاثة نجوم لكن اثاث ودورات مياه وانتي بكرامه ماهي نظيفه مرة أنا سكنت في abbeycourt وصراحة ما كان ذاك الزود حتى الانترنت عندهم باللوبي فقط ويقفل بعد الساعه عشرة الليل والإشارة مرة ضعيفه
بالنسبه للي ذكر فندق stylotel تصميمه يعتبر غريب لانه يعتمد على الألمنيوم من يوم ما تمسكين باب الفندق كل شي حولك ألمنيوم صراحة كان ودي اسكن فيه اجربه بس كان الفندق مليان بالاضافه ان الانترنت عندهم لازم تدفعين أظن 2 بوند للساعه
بالنسبه لي أنصحك ب Lancaster gate hotel مقابل الهايد بارك تماما وخلفه بالظبط محطة اندرقروند ويعتبر 3 نجوم او 4 عل ما اظن بس لو حجزتي بدري راح تحصلين اسعار. مناسبه
سكنت ب مكان ممكن تسمينه هوتيل او موتيل كان 2 نجوم بس هو اكثر واحد ارتحت فيه التلفزيون كان ال سي دي والأثاث وسرير النوم جديد ونظيف بالاضافه الي ان دورة المياه نظيفه والإنترنت متوفر مجانا داخل الغرف عيبهم الوحيد الفطور كان بسيط جدا خياراته محدودة اسمه Rhodes hotel
اذا تبين فنادق خمس نجوم عندك في شارع العرب فندق هيلتون ميتروبوليون بس ما جربته
وايضا هيلتون بادينغتون بس يبعد خمس دقائق مشي عن شارع العرب
أتمني أفدتك
سلام