اه ياريت فعلا لانى مقيمه بالكويت و عايزه اعرف

1. اول شي حطيت موعد المقابله الشخصيه من موقع السفاره بالكويت


2. و بعدين ينادون بلاسم يقولون فلان يروح الشباك الفلاني و جذي

السلام عليكم رحمة الله و بركاته
بالنسبه لي تجربتي:
انا خذيت الفيزا سنة 2008 لمدة عشر سنين
الاجراءات على ما اذكر

اول شي حطيت موعد المقابله الشخصيه من موقع السفاره بالكويت

و قبل موعدي سددت الرسوم مالت الفيزا كانت اربعين دينار عن طريق بنك برقان
و يوم المقابله زهبت اوراقي و كانوا: نموذج الفيزا وتحصله من موقع السفاره و لازم تعبونه بالكمبيوتر و تطبعونه تالي بالنسبه للرجال نموذجين وو للسيدات جنه نموذج واحد و طبعا صور شخصيه وفق شروط السفاره ووصل بنك برقان و انا احتياط يبت معاي اسامي فنادق.
يوم المقابله رحت اول شيي تسلمون اوراقكم للشباك الخارجي و يقولكم نطرو بالغرفه الخارجيه
بعدين ينادون بالاسامي كل شوي ينادون مجموعه
اذا نادوكم تدشون يفتشونكم واحد واحد تفتيش عادي و طبعا الموبايل ممنوع ما تدخلونه
بعدين يقولوكم دشو المبنى الفلاني
تروحون المبنسى تاخذون رقم و لما يطلع رقمكم تروحون الشباك ياخذون الاوراق و يقولوكم قعدو استريحو

و بعدين ينادون بلاسم يقولون فلان يروح الشباك الفلاني و جذي

طبعا اللي يقابلونكم في نصهم يتكلمون عربي و نصهم لاانا شخصيا اللي قابلتني امريكيه ماتعرف عربي بس المقابله جدا عاديه سوالف عاديه مثلا ليش رايحين جم عمركم وين بتسكنون مع منو رايحين؟ زرتو دور معينه من قبل غالبا يسألونكم عن سوريا ايران السعوديه و هالدور انه زرتوها واللا لا و اذا زرتوها يسألونكم ليش زرتوها
و طبعا من حاله لي حاله ومن شخص الى شخص تختلف انواع الاسئله.
بعدين يعطونكم وصل يقولون لكم روحو الكشك برا دفعو حق شركة الدي اتش ال اللي راح توصل لكم لجواز
و بس تروحون تدفعون و ياخذون عنوانكم و بعد فتره يدزون لكم الجواز و عاد انتو و خظكم اذا فيه فيزا او مافيه
و ترا الموضوع جدا عادي و سهل يعني لحد يقولكم انها تجربه صعبه او تخرع و بالتالي انته في ديرتك يعني عطوك الفيزا اهلا و سهلا ماعطوك ما يشوفون شر
والله يوفقكم جميعا