- بسم الله الرحمن الرحيم
- 4/ نموذج 156 و 157 .
بسم الله الرحمن الرحيم
اخواني من باب رد الجميل اردت ان اضع تجربتي في هذا المنتدى متمنيا ان تفيد اكبر عدد ممكن .
كان عندي موعد في القنصلية بالظهران الساعة 8 ، جهزت أوراقي وكل حاجه واتجهت لهم من 7 و 10 دقايق ولكن العسكر منعوني من الدخول قبل 7 ونص . اخذت فره ورجعت دخلت وكان المتواجدين بالمواقف اكثر من 7 او 8 المهم انهم يتمشون وانا دخلت اول واحد ،( طبعا الجوال بالسيارة )
اذا نزلت من سيارتك فيه ممر طويل مظلل هذا تتفتش في نصه عن طريق جهاز كاشف المعادن اليدوي بعدين تدخل على غرفه تتفتش فيها صح ، كل هذولي ما ياخذون منك 10 دقايق اذا انت الاول ، بعدها تدخل على صالة استخراج الفيز ، تسحب رقم ، انتظرت الى ان نادتني السودانية في الشباك رقم 1 وهذي مهنتها فقط مراجعة الاوراق واذا فيه شي ناقص تنبهني عليه .
الأوراق المطلوبة للفيزا السياحية :1/ الجواز الحالي طبعا ويفضل السابق ان وجد.
2/ تعريف من جهة العمل .
3/ صورة شمسية مكشوف الرأس 5*5 .
4/ نموذج 156 و 157 .
كنت جايب معي فوق هذولي كشف حساب بنكي وتأمين سفر ورسالتهم اللي بالايميل ولكن كلها ما يبونها .
من بعد ما دققت على الاوراق قالت لي انتظر شوي ، انتظرت ونادتني امريكيه على شباك رقم 2 محترمة جدا طلبت مني بكل احترام انا ابصم ومن بعدها قالت انتظر شوي ، نادوني على شباك رقم 3 وكان امريكي وقام يسأل أسئلة عادية جدا جدا جدا ومن بعدها عطاني جوازي القديم والكرت الأخضر وقال توكل على الله بعد 10 ايام مر الفيديكس .
طلعت وشغلت سيارتي لقيت الساعة 8.55 دقيقه .
السؤال اللي ياليت تفيدوني فيه ، استلام الجواز من الفيديكس يبون فلوس بعد والا ببلاش ؟؟
لاكن اهم شي ان الاوراق المطلوبة تكون كاملة حتى لو ما اخذوها الحرص واجب
وبالنسبة لفدكس نعم لهم رسوم ..
بالتوفيق