أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
السلام عليكم
طبعا تايلاند ارخص من ماليزيا وتايلاند حلوة وفيها برامج وايد يس السؤال اذا بتروح تايلند بيروح بانكوك بس؟؟
والا تبي تروح عدة اماكن في تايلاند
أنا رحت الدولتين وأول شي بكلمك عن الطيران ... الصراحة تقريبا فرق سعر التذكرة بين الدولتين تقريبا 50 دينار (( طبعا انا أكلمك من الكويت )) والصراحه التذاكر أسعارها معقولة .. وهم إذا تبي نصيحتي روح الدولتين دام إنك بتروح آسيا .. تدري ليش , لأنه الطيران مابين ماليزيا وتايلند رخيص جدا جدا يعني تقريبا ما بين 90 إلى 100 دينار يعني مثل ما يقولون تقدر تضرب عصفورين بحجر .. هذا من ناحية الطيران .. أما من ناحية الأرخص والأماكن السياحية انا أقولك رووح حق تايلند لأنها ونيسة أكثر من ماليزيا وفيها أماكن حلوة ورعاية للسايح أكثر من متازة بالنسبة لماليزيا .. وهم لا تحاتي تايلند فهيا مناسبة للعائلات جدا جدا ... وفي شغلة ثانية مهمة لا تخلي إجازتك تقتصر على منطقة وحدة بتايلند أقصد إقعد في بانكوك 5 أيام .. وكل يوم إخذلك رحلة .. يعني تقدر تروح حديقة التماسيح بيوم ويوم ثاني السفاري ويوم الثالث المعبد مال الملك والخامس مدينة الملاهي وتقدر تخلي الخامس حق التسوق أو تقدر تروح بتايا من الصبح إلي الليل ... وتقدر ترووح هم جزيرة بوكيت بالطيارة (( وسعر التذكرة معقول )) وهناك راح تستانس بشكل مو طبيعي من كثر الرحلات السياحية .. والميزانية أنا أقدرها ب 800 دينار ك مصرف خاص لك و أقدرلك ((500 دينار أو 600 )) تذاكرك وإقامتك وطبعا هالسعر حق فنادق 5 نجوم وتقدر تقلل القيمة إذا إخترت فنادق أرخص .. أتمنى إني أكون أفدتك وإذا تبي أي شي ثاني ياليت تبلغني وانا بالخدمة
اخوي انا انصحك تروح الدولتين مع بعض احجز عن طريق اير آشيا وماراح تكلفك شي انا دايما اسوي كذا وممكن تشوف الصور والاسعار بالتفصيل في توقيعي اسفل عن ماليزيا وتايلاند
ولو ان تايلاند فيها التعامل افضل والاسعار ارخص لكن ماليزيا فيها الحضارة ويعيبها كثرة العرب
مرحبا يا خويه
بالنسبه للدولتين كل وحده لها مزاياها.
وبالنسبه لي انا زرت ماليزيا 5 مرات وتايلند 8 مرات...... اذا كان سبب الزياره تسوق فاعتقد ان بانكوك انسب لك واذا تبا تمشي ونقاهه وأماكن اكثر رقي عليك بماليزيا.
أنته حدد نوع الزياره ومع من وبتجيك التفاصيل أكثر.
طبعا تايلاند ارخص من ماليزيا وتايلاند حلوة وفيها برامج وايد يس السؤال اذا بتروح تايلند بيروح بانكوك بس؟؟
والا تبي تروح عدة اماكن في تايلاند