ابو عادل22
12-06-2022 - 02:46 pm
السلام عليكم ورحمة الله وبركاته
بعد الاستفسار في هذا المنتدى الجميل عن شروط تأجير السيارات من المطار أتضح انهم لايؤجرون الا ببطاقة فيزا أو ماستر كارد ،، وسؤالي هو : هل محلات تأجير السيارات خارج المطار تطلب بطاقة ائتمانية أم لا؟ لأني لايوجد معي بطاقة ائتمانية وناوي انشالله استأجر سيارة اذا وصلت الكويت انشالله ، وماهي اقرب منطقة للمطار يوجد فيها تأجير سيارات؟ وهل يؤجرون الخليجي أم لا حفظ الله الكويت وأهلها
اولا حياك الله في الكويت بين اهلك واخوانك
واقرب منطقه للمطار فيها مكاتب تأجير هي الفروانيه
ولا يشترطون الفيزا وان شاء الله يأجرون لك ما فيه اي مشكله
وارخص بعد من المطار واذا ما لقيت طلبك مر اي بقاله وخذ نسخه
مجانيه من اي صحيفة اعلانيه مثل الوسيط وغيرها وبتلقى فيها
الكثير من المكاتب واذا ما ني غلطان يوصلون السياره لك في محل
اقامتك وعندك ايضا الرقم التجاري 808080تقدر تطلب منهم ارقام
المكاتب
لاتحاتي اخي الكريم الديره سهله والخيارات متوفره ان شاء الله
واذا ماتبي تضيع في المناطق عندك التاكسي الجوال على العداد
متوفر بكثره ومزاحمينا في الشوارع الله يرزقهم
وبالتوفيق ان شاء الله