محد جاوب على السؤال

انا يوم السبت رديت من السعوديه وللأمانه تفاجئت لما لقيت اسم ساب على شعار البنك البريطاني !!
ماأدري ايش الفرق ولكن إذا كان نفس الشعار فأعتقد ممكن ..
وخصوصاً إذا البطاقه عليها الشعارات الي اتكون متوافقه مع الماكينه ..
مثلاً ..انا بطاقتي عليها شعار نابس ..وشعار نابس موجود في المكاين الي في بريطانيا وكنت أسحب منها عادي ..
مع العلم ان بنكي موجود في قطر بس ..

اعتقد ايه تستطيع أن تسحب كاش من فروع HSBC ، لأن أحد الزملاء يشتغل في شركة عالمية مقرها بريطانيا ورواتبهم تجيهم من بريطانيا ، ينزل له الراتب في بنك ساب ، والراتب ينزل عنده بنفس اليوم اللي ينزل عند موظفين بريطانيا ...
واعتقد اللي يفيدك أكثر هو البنك نفسه ...

مساء الورد
عزيزي بنك Hsbc ماله علاقة في بنك ساب انا فاتح حساب عند Hsbc في بريطانيا وسألتهم عن ساب اللي بالسعودية
قالوا مالنا علاقة فيه ... لكن من الطبيعي انك تسحب من اي مكينه سحب موجود عليها اي من العلامات اللي على بطاقتك في اي مكان بالعالم لكن القضية سعر الصرف اللي يحتسبه لك البنك اللي تسحب من مكينة الصرف بتاعته فقط .
ودمتم بخير

حسب معلوماتي Hsbc هو الشريك الأجنبي في بنك ساب ( البنك السعودي البريطاني- سابقاً ) وعندما تتوجه إلى أي فرع لhsbc في العالم بكل تأكيد بقولون مالنا علاقة لأن الشراكة مع ساب داخل السعودية، لكن الميزة اللي يقدمها ساب لعملائه وينفرد بها عن كل بنوك السعودية هي إن أي عميل له حساب في ساب وتواجد خارج السعودية، وقام بالسحب من أجهزة الصراف الآلي الخاصة بالhsbc في أي مكان في العالم يتم فقط إحتساب فرق العملة المسحوبة، ولا تحتسب العمولة البنكية المعروفة.
وإذا لك حساب في ساب بالجنية أو الدولار أو اليورو وسحبت نفس عملة الحساب من صراف الhsbc ماراح يحسب عليك شي......................... هذا والله أعلم ويمكن طلعت نظم و قوانين جديدة من ساب تفنّد ما ذكرته سابقاً.
وسلامتكم

لا بنك ساب مساهمة سعودية ولكنه يرجع بالاصل لاتش اس بي سي لان شرط دخول اي بنك بالسعودية انه يكون مساهمة

السلام عليكم
في نهاية السبعينات وبداية الثمانينات الميلادية صدر قرار بمشاركة المؤسسات الأجنبية ك(البنوك الأجنبية مثلاً)بنسبة 51% للشريك الأجنبي و 49% للشريك السعودي(أو العكس)، وعند تطبيق القرار تغيرت بعض الأسماء
فتغير أسم البنك حين ذاك من HSBC إلى البنك السعودي البريطاني (SABB)
وتغير City Bank إلى البنك السعودي الأمريكي (SAMBA) وهكذا...
وأنا أؤيد كلام الأخ تركي الجابر ، ولا يهونون الأخوان
تحياتي.،

اشكركم جميعا ..
أنا اتصلت على البنك وقاللي انك تقدر تسحب من الفرع اذا تعطلت بطاقتك أو فقدت ..
لكن انا ألان طرى على بالي شئ آخر .. هل اسمي مكتوب عندهم مطابق الجواز لانهم رح يطلبون مني
الجواز عشان يطابقون الاسم .. وبنك ساب ماقد طلب مني الجواز عشان يسجل اسمي بالانجليزي
وش رايكم

ياخي
خذها مني
ماتستطيع تسحب فلوسك اذا ضاعت بطاقتك
هذا بنك وهذا بنك ( وحتى لو كان بينهم علاقة شراكة )
ياخي انا عندي حساب في Hsbc بيطانيا زين
وذهبت الى الصين وفي بنك Hsbc الموجود في شنقهاي حاولت اسحب لان البطاقة منتهية قالوا ورنا عرض اكتافك ما نقدر نسويلك شئ
وحياكم