أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
هلا بك اخوي يادافع البلا ..
انا رحت بنقلور بس مو دراسه سياحه .. واللي فهمته انها اكبر من غوا
يعني اذا بتدرس بااوقات فراغك ماراح تطفش بتلقى اماكن تتمشى فيها
بنقلور فيها اسواق وسوبرماركت و يعني راح تتسلى فيها اما غوا احس بيضيق صدرك مافيها اماكن كثير وتماشي
لكن الدراسه ماادري عنها اسئل افضل ..
ومن ناحيه العوائل اللي اعرف حسب الاتفاق بينكم غسيل وسكن
او سكن وغسيل واكل وحسب كل اتفاق بيكون مبلغ معين ..
انا مدري عنك لكن لو علي انا افضل السكن لحالي اخذ لي شقه معقوله او غرفه
واجيب اثاث يمشي الحال واجلس بحريتي
لان قرأت ان اغلب اللي سكنوا مع عوائل مااستفادوا من ناحيه اللغه ولا شي
ف انت تقدر تمارس اللغه مع الطلاب اللي مثلك او بالمول او اي مكان
اخاف تتوهق لك بعيله غثيثين وتتورط لان السكن مافيه اقل من 6 شهور
عموما :
هذي بعض المواضيع ان شاء الله تفيدك
هنا وهنا https://artravelers.com/p/re/107852
وايضا اخوي لو تدخل قسم واحه البعثات التعليميه https://artravelers.com/s/146 وتتصفح المواضيع راح تفيدك اكيد
ربي يوفقك
الموضوع يبغاله صملة شوي
انصحك تروح لغوا لان فيه واحد سبق ودرس هناك ويمدحها كثير
عموما انت اجزم ورح والامور بتتسهل ان شاء الله وخلك على تواصل مع والدك
لكن اعتمد على نفسك بكل شيء وانتبه لعمرك والله يوفقك ويسهل امورك
وتاكد انك تخوض شيء جديد بحياتك وأكيد راح تواجه عقبات لازم تتصدى لها
السلام عليكم كيفك ياخوان
الحمد لله جاني قبول من غوا والورقه بيدي من معهد
universal institute
فاوش رايكم فيه ؟؟
كم يكلف الي تقدرون عليه
نبي رايكم وخبراتكم
ابنى العزيز الذي نصحك ببنغلور لم يخطئ ، انصحك ببنغلور وبشدة وذلك للأسباب التالية:
1- سهولة السفر منهاو اليها حيث ان هناك طيران مباشر من جده والرياض والدمام
2- المدينة كبيرة وبها أسواق ومطاعم عالمية مثل مكدانل وكنتاكي ، وبيتزا بكافة انواعها ، وفرايدز وغيرهم ، وعربية ، وسوبرماركات ، ومقاهي والكثير الكثير من الأشياء التى تعود عليها شبانبا هنا بعكس غوا ما فيها الا شواطئ وفنادق ، ومدن صغيرة جدا او بالأحرى مدينة واحدة صغيره هي العاصمة والباقي لا يمكن اعتبارها مدن بل قرى صغيره للصيادين ومنتجعات. ولا يوجد بها الا محل واحد لديموندبيزا في العاصمة .
3- الجو في بنغلور ممتع جدا ولطيف في معظم شهور السنة وهو شبه معتدل بعكس غوا جوها حلو فقط في الشتاء
4 بنغلور مدينة علم وتقنية وبها ارقي جامعات الهند ومعاهدها ولذلك فهي قبلة الدارسين سواء من الهند او غيرها
5- يوجد في بنغلور عشرات المعاهد لتدريس اللغة وترى اللهجة واحده في بنتغلور او غوا الاكسنت الهندى وراك وراك وتعتمد على المدرس
6- السكن في بنغلور اكثر توفرا للطلاب وارخص
7 المعيشة ارخص
هذه وجهة نظري وتمنياتى لك بالتوفيق
ابو عمر
مشكور اخوي ما قصرت يالغالي
خلاص بمشي بنصيحتك اليوم بستلم ورقت القبول من الرجال
وبحط اسم المعهد وبي رايكم ورايك اذا ممتاز توكل على الله وروح بنجلور والف شكر يالغالي ما قصرت معنا
