صباح / مساء
الخير
كل عضو/ة حسب مايطل ع موضوعي
ربي لايحرمكم الاجر بنجي من الرياض للخبر لمدة 4 ايام من الثلاثاء والعودة الجمعة
أنا والوالدة وقبل فترة كانت بالمستشفى بعد عملية والحمدلله على سلامتها
قررت اخذها للشرقية تغير جو وافقت وقالت منها اكون مريت دكتورة بمستشفى سعد
بتستشيرها ضروري وبصراحة ما اعرف مستشفى سعد لكن سألت عنه قالوا في شارع
البيبسي وانا ما ادل هناك ورحلتنا باذن الله اليوم العصر ليت لو تقدرون تساعدوني في :
1/ وصف مستشفى سعد
2/ اقتراحاتكم في السكن بفندق 4 نجوم أو 5
3/ مطعم ليالينا سمعت عنه وجلساته ترد الروح وعلى البحر والجو هالايام بالشرقية روعة
ليت تعطوني وصفه لو عشان خاطر الوالدة بس
4/ رايكم ندخل للبحرين نسمع عن السيتي سنتر وودنا بالسينما بحياتنا مادخلناها ، صحيح ان الوضع غير امن للعائلات وان لاتدخل بسيارة لوحة سعودية لان صراحة في الرياض نسمع مثل هالكلام والى اخره
يعني رايكم في هالموضيع لاتتضايقون من سؤالي لاحظت ان المشرفيه في قسم البحرين يتضايقون من هالسؤال يالغاليين من حقنا نسال الانسان يخاف على عمره والعمر مرة مو مرتين ، ياليت رايكم وان كان الوضع تمام عطوني الوصف
وان كان عندكم اقتراح افيدوني مالي بعد الله احد غيركم
عذرا للاطالة وكل الشكر لكم ولاحرمكم ربي الاجر