استخدم موقع قوقل ماب للحصول على هذه المعلومات
http://maps.google.com/

عندك اسبوع بس يعني 6 ليالي وتبغى تروح ميونخ وقارمش ورست ما انصحك بهالشي ابدا ابدا
اذا بس عندكم 6 ليالي ما انصحكم بالسفر اصلا لان التكاليف كثيره على اسبوع بس ما تسوى

لاحبيبتي انا اقصد اسبوع في ميونخ بس ومن خلالها نروح قارمش ورست
السفره كامله مدتها 3اسابيع ان شاء الله....
حجزنا في شقق Citadines Arnulfpark Munich من تاريخ 5/5 الى 12/5 شرايك فيها؟
ومفكرين نروح بعدها النمسا لمدة اسبوع ثم سويسرا لاسبوع ونرد تاريخ 26 مطار زيورخ......شرايك بالمخطط يحتاج اعدله ولا زين؟

عندكم 21 ليله
3ليالي جنيف - 5ليالي انترلاكن - ليلتين رست -
3ليالي كونستانس - 5ليالي زيلامسي -
ليلتين سالزبورغ - 3ليالي ميونخ
هذي 23 ليله وهذا افضل مخطط عشان تكون المسافات قليله نوعا ما بين المدن اللي بتزورونها
انا افضل تبدأون من ميونخ لانه استئجار السياره فيها ارخص صحيح راح تسلمونها في جنيف اوزيورخ وراح تدفعون ضريبه بس هذا الحل الوحيد لكم
اذا كنتي منقبه نلغي ايام جنيف ونخلي بدالها زيورخ بس ليله ونحذف الليلتين وتصير 21 ليله
شقق ميونخ ممتازه انا جربتها العام الماضي

طيب لو بدانا بميونخ كيف يكون خط السير
وانا منقبه......ولو فيه مناطق بارده استبعديها لو سمحتي لاني معاي ولدي 3 سنين

3ليالي ميونخ - ليلتين سالزبورغ - 5ليالي زيلامسي- 3ليالي كونستانس - ليلتين رست - 5ليالي انترلاكن - ليله جنيف
المناطق الابرد في زيلامسي وانترلاكن ولكن مو البرد اللي يذبح
واذا ما تبغين البرد راح تنحرمين من القمم الثلجيه سواء في انترلاكن او زيلامسي ابعدوا عنها
واما داخل المدن ما في ذاك البرد
اطول مسافه من زيلامسي الى كونستانس 380 كلم ولكن الطريق جميل جدا جدا
طلعوا الفيزا من السفاره الالمانيه
وترى تاخرتوا كثير بالحجوزات يا اختي

المخطط حلو ومناسب وراح نعتمده ان شاء الله بس ممكن بدال جنيف نحط زيورخ لاني منقبه وعشان نحجز على مطار زيورخ....ولا شرايك؟

ياغاليه انا ابغاك تروحين جنيف وتشوفينها وعادي تقدرين تجلسين فيها ومو لازم تروحين للقسم الفرنسي
بس اذا ودك تتسوقين ممكن نخلي العوده من زيورخ

خلاص خلينا على جنيف...بس الطيران من جنيف لدبي نفس سعره من زيورخ لدبي؟
الحمد لله حددنا المناطق وهذا اهم شي..اللحين بنخلي الحجز 3 ليالي في ميونخ..بس نفكر نغير الفندق..تعرفين شقق ثانيه سعرها مناسب ونظيفه وموقعها قريب من كل شي في جميع المناطق اللي حددناها؟وعندي سوال ثاني..متى تكونين موجوده في المنتدى لاني محتاجه لك هاليومين؟وجزاك الله كل خير