أولا حياج الله بديرتج الكويت واتمنى لج طيب الاقامة
بالنسبة لفيللا مودا فيه الماركات العالمية المشهورة مثل lv وقوتشي و...غيره
أما سؤالج بالضبط فماني عارفة شقولج الاماكن كثيرة بس حضرتج ذكرتي صناعة كويتية وهالشي في الغالب راح تحصلينه
بمجمع النقرة الشمالي والجنوبي معظم بضايعهم تكون خياط الكويت أما بالنسبة للجلابيات اعتقد تقصدين الدراريع فراح
تحصلينها باذن الله بمجمع الاوقاف متخصص كله دراريع وطبعا لا تنسين الاسواق والمجمعات المعروفة مثل المارينا والافنيوز..
واتمنى اني اكون ساعدتج حياج الله

حياج الله بالكويت وعندج الدراريع بمجمع العربيد بالفروانية خلف الجمعية واتمنى اني ساعدتج

كويتية^رحالة
ايه والله فديتهم ماقصرواا ,, ومشكور على المرور اخووي ’’’

بيت ديفا كريزما بيت بدره لوذان

shjen
مشكوره حبيبتي بس وين احصلها هذي في اي منطقه فديتك

اختي تلقين طلبج في كاريزما و بيت ديفا .. هم بيتين من بيوت الكويت القديمه حولوهم الى معارض .. بيت ديفا فيه معارض متغيره .. يعني شغل بنات الكويت بس كل وحدة تأجر مساحه معينه لفتره معينه
اما كاريزما فداخلة في كل غرفة بوتيك .. دائم يعني .. البيتين اذا خليتي سوق شرق على يسارك كملي شوي يجيك المستشفى الاميري على يمينك .. لفي اول لفه بعد المستشفى على طول .. تلقين البيتين على يسارك و مقابلين المستشفى
بيت بدره .. خلف الكنيسه .. الكنيسه في الديره على شارع السور بجانب الشيراتون
بيت لوذان على شارع الخليج العربي .. قبل اشارة مارينا مول
في كم مصممة بس تطلبين شغلهم عالنت ..و في معارض دايما يعلنون عنها بالجرايد و اذا ذكرت شي زياده برجع ان شاء الله اقولج

حياج الله اختي
اذا تبين بدلات تلقين في سوق السالميه
و تلاحظين بعض بلاتهم صناعه كويتيه
و عندج دريم مول حلو
و اما النقره يعني مو حييل حلو قبل امس
كنت في و ما في شي حلوو