انا مو من الكويت بس اعرف فيها شوي واذا تبين سوق حق دراعات عندج مجمع الاوقاف كله دراريع وعندك بالفروانيه الحمراء واللي جنبه هذا اللي اعرفه
وبخصوص سؤالك عن مصممات مااتوقع فيه مصممه سعرها متوسط كله غالي انا شفت محلات بمجمع زهره حق مصممات بس نار اسعارهم وفيه بعد مجمع ليلى جاليري واتمنى من بنات الكويت يفيدونك اكثر مني

اول شي و عليكم السلام..
و حياج الله خيتوو
انا جايه لغرض واحد ولي هو التسوق فقط لا غير ابيكم تساعدوني
ههه لازم التسوق
احلى شي بالدنيا
تقولون لي بس شنو احلى محلات تفصل دراعات وبشارع شنو انا من اول ماعرف الا (( العربيد )) بس فيه غيره ولا بس هو ياليت تساعدوني
عندج بالديره..
مجمع الاوقاف كله دراريع و سوالف خياطين بعد..
+
منطقة الفروانيه
عندج مجمع العربيد
+
اذا حابه شوي غاليين..
عندج المصممه انسام الخلف
محلها بالجابرية مقابل السره
وابي مصممه ازيا سهرات بس مابيها غاليه حيل يعني ماقدر عليها لا ابيها متوسطه بس ثيابها راقيه
في عندج محلات
في مجمع ليلى جاليري "السالميه"
كله فساتين سهره
+
المصممه عواطف الحاي "محلها بالسالميه - مجمع جاليريا2000 شارع سالم المبارك"
+
مجمع زهره في كذاا محل بالسرداب
+
محل الاسطوره (موجود في زهره و ليلى جاليري و برج السحاب)
+
مجمع البستان (فيه كذا محل)
+
المصمم فاادي نحله (غفران كوتور - المحل بالبستان - السالميه..
هذا كل اللي اذكره
ان شاء الله استفدتي
وماراح يقصرون باجي الخوات و الاخوان
و
حياج الله
و زياره موفقه

حياج الله بديرتج
مثل ما قالوا
العربيد و الاوقاف
الفساتين : اذا ما تبين غالي حيل اشتري جاهز مو لازم مصممه
او شوفي محلات خياطة الفساتين اللي وراء مجمع النقره ( اعتقد الشمالي) االلي يكون المجمع يسارج و المحامبد يمينج
فيه محل خياطه اسمه اليجنس فيه مصمم فلبيني اسمه اجي خياطه و نصاميمه روعه
شوفيه
و بالتوفيق

يا هلا فيج بديرتج روحي بعد النقرة مو بس المجمعات بعد اللي حوالين المجمعات بتلاقين جم محل واسعرهم معقولة

فارسه
يعطيج الف عافيه على المساعده
Hambka Q8
ههه اكيد ولا وش رياك بيض الله وجهك اخوي
المرام
لا انا ابي مصممه لان عندنا ثياب نفس ثياب اهل الكويت الجاهزه علشان جذي ابي تفصال
غلا امها
يعطيج العافيه وشكرا على مساعدتك
وياليت الي بيدخلون يساعدوني صح الجماعه ماقصرو بس انا طمعانه بعد وانتم ياهل الكويت ينطمه فيكم ههه والله انكم تستاهلون شكرا على مساعدتكم مره ثانيه

لي عوده انشاللة على موضوعج حاليا مش في البيت
وعندي محلات حلوة وانشالله تعجبج

حبيبتي اليجنس اللي قلت لج عنه خياط للتفصيل ... مو جاهز
و جنبه محلات خياطه كثيره ... شوفيهم كلهم
لكن لازم تروحين مبجر
لانه ممكن يطول بالتصميم و الخياطه
و بالتوفيق

حبيبتي
بالمنطقه العاشره في مجمعات حلوة مثل :
الكوت (منطقه الفحيحيل)
المنشر (منطقه الفحيحيل)
أجيال(منطقه الفحيحيل)
وفي كويت ماجيك (منطقه ابوحليفه)
وفي بالمنطقه الرابعه :
مجمع المغاتير (الفروانيه)
مجمع الحمرا مول (الفروانيه)
مجمع مناور (الفروانيه)
مجمع الافنيوز ( بالري يجانب الشويخ )
مجمع الصيفي (الفروانيه)
الكويت داخل :
المرينا مول(السالميه)
الفنار(السالميه)
ليلى جاليري(السالميه)
مجمع زهره(السالميه)
مجمع البستان(السالميه)
مجمع مريم(السالميه)
مجمع الرايه(المباركيه)
مجمع الصالحيه(المباركيه)
مجمع البحر(حولي)
مجمع العوضي
مجمع المهلب (منطقه حولي )
مجمع الوطيه (المباركيه)
مجمع دانا سنتر (السالميه)
من اشهر محلات السهره بهالمجمعات السالميه مثل :
الاسطورة (بزهره_الصالحيه_دانا سنتر_ليلى جاليري)
البوشيه (الفنار_الصالحيه)
نورامينا (زهره _مريم)
اس ستايل (مجمع زهره)
الاميره(المهلب)
ويوجد محل سهره من ايطاليا لوحده كويتيه اسمها جنا الرشيد بمنطقه الروضه بمحل سكني وعندي رقمها لانه ما اعرف العنوان بالضبط ومادري عن قوانين المنتدى اذا ممكن احط اراقم او لا
وفي محل بمنطقه الجابريه اسمه شذر بشارع البنك التجاري
اتمنى انج استفدتي من اللي كتبته وعندي الكثير لكن بارقامهم وانا ما ادري اذا مسموح كتابه الارقام او لا ؟؟

اختي
ماشاء الله الاخوان والخوات ما قصروا بالاسواق والدراريع
اذا على البدل مالت السهرة اللس سعرها يعتبر مناسب ودايما تكون شبيه لمصممين او احيانا تقليد لبدلات المصممين اللبنانيين وفيه بعد غيرهم عندج مجمع المهلب فوق واسعارهم حلوة ومناسبة
وبعد نفس المحلات وزيادة في النقرة الشمالي
وحوالين النقرة وايد خياطين بس مو مصممات كويتيين لا اغلبهم مصممين فلبينيين او هنود بس وهذولا اسعارهم مناسبة
اما المصممات عندج محل زهرة القاسم بيربل ديزاين بالجابرية خلف مستشفى رويال حياة وتلاقين الصالون مالها بعد يمه
وعند فاطمة اسماعيل الملكي بس خبر فيها بيت بجانب مستشفى هادي وما عندي الرقم بصراحة بس بالجابرية هناك واسمها فاطمة قبازرد وعندج شروق سالمين وبعدمحل البرجوازي في مصمم لبناني
بس كل اللي قلتهم من المصممين غالين يعني مو اقل من 500 دك الا بالنادر
انصحج بالجاهز وايد احلى في محل بالبيوت عند جم وحدة تصمم بس مادري عن مستوى الشغل بصراحة اسمع فيهم وبعدين الجاهز اذا تبين مناسب تلاقين بالمجمعين اللي قلتلج
وعندج محلات الدراريع تقدرين تمرين المعارض الدائمة مثل بيت ديفا و كاريزما بشرق بجانب المستشفى الاميري مقابل سوق شرق تلاقين شغلات حلوة وعلى مدار الاسبوع