بما انكم اهل خبرة

وفاتت الرحلة

21-09-2022 - 10:37 am

ههه
سؤالك صعب ومحير..
شوف حبيبي.. بيجيك اللحين ناس تقولك كيف تطفش في الرياض؟؟ الرياض أفضل وأونس مدينة بالعالم.. والعينة هذي يا عزيزي تفكيرها بسيط .. تلاقيه قاط في استراحة في الفحص يقابل فيها عيال عمه والا أخوياه ويضيق صدره لو يروح أوربا.. يبي جلستهم ومعسل أبو يمن.. فهذي النوعية الأولى
النوعية الثانيه بتخش بعينك عرض ويقولك فيه المتحف الحربي والمتحف الوطني والمتحف السوفيتي ومكتبة الملك فهد وقصر المصمك.. وهذا شخص أحسه يبي يسكتك بس ههه
النوعية الثالثة وأغلبها الحريم والبنات.. وإلي أنت استثنيتها في موضوعك عن الرد.. وإلي بيجونك يقولون المطعم الفلاني والسوق العلاني.. وهذي عينة أتنبأ لها (باللذعة) قريبا ً.. لدرجة إن العينة هذي يصير عندها أكثر من (365) مناسبة بالسنة ( أكرر أكثر ) وكل هالمناسبات عشان يلاقون عذر إنهم يروحون مطعم ويولعون شمعة بمناسبة (عيد الزواج, عيد الميلاد, عيد الخطبة, عيد الملكة, عيد الشوفة, عيد الأم, عيد العمال, ذكرى وصول خدامتهم الثالثة) وهلم جرا..
وبيجيك ناس تقولك فيه مخيم دعوي في الربوة والا في الدايري الشرقي والا يجيك واحد يقولك عمل تطوعي..
بس أنا رأيي إذا أنت شاب سعودي.. (سوي) فإنك تاكل وتشرب وتصلي وترجع تجلس ع النت 12 ساعة باليوم وتعد الدقايق على سفرك للخارج..
والسلام ختام

rushan

21-09-2022 - 11:38 am

ههه
ضحكتني لما حكيت عالحريم
لاني انا بنت
والله الحريم بهالبلد مظلومين
بتعرف ليش بيروحوا المطاعم والاسواق لان مافي اختيار ثالث
المطاعم والاسواق لانهم صاروا اشياء اجبارية ماهي باختيارية

وفاتت الرحلة

21-09-2022 - 12:39 pm

rushan
جيد.. بما انك بنت فيصير عندك خيارين تتميزين فيهم عنا معشر التماسيح ..
الأسواق والمطاعم
ههه

rushan

21-09-2022 - 01:40 pm

ههه
يكتر خيرك على الافادة

قووة 1

21-09-2022 - 02:41 pm

لا تنسون جمعة الاقارب
والملاهي .. والشاليهات

مهند

21-09-2022 - 03:42 pm

الحمد لله على نعمة الصحة والفراغ
ما مثل جلسة البيت والبال رايق
مهما كان من ترفيه فطبع الإنسان ملول ويريد التغيير والتجديد

عربي جاكرتا

21-09-2022 - 04:43 pm

صدقني مهما كان وقتك بينشغل
اشترك في نادري رياضي
اطلع كشتات في المناطق المحيطة بالرياض
اكسر الروتين
ماقتلنا في الرياض الا الروتين الممل

وردة الهلال

21-09-2022 - 05:44 pm

الله يعينك أختي
مالنا الا نقعد نندب الحظ الردئ الذي جعلنا نعيش بهذه المدينة التي يسيطر عليها المجتمع الذكري ويصادر حريتنا فيها
شاو

ASMAASMAASMA

21-09-2022 - 06:46 pm

وفاتت الرحلة
معليش
وش نقعد بالبيت صح بس طفش
مشكلتكم انكم اولاد معكم سياره بس احنامنطقين لاروحه ولاجيه فمالنا الا المطاعم والاسواق نتنفس شوي ولا نسافر
:8888:
اختي صاحبه الموضوع انتبهي لاتكتسبي وزن زائد :tongue:

الرياض المسافرون العرب