ديسمبر يعني كرسمس
وكرسمس يعني ثلوج !
ومن ابرد الاجواء شهر ديسمبر وو يناير ،،
بس اذا كنتي تبغين الثلوج واجواء عيدهم وحفلاتهم والتنزيلات والاسواق راح تلقين ،،
بس طبيعه ماعتقد لان الدنيا بتكون بيضه !
والله يوفقكم ،،، تجربه حلو ه ونتتظر تقرير ،،

هلا ساره شكرا لك حبيبتي يعطيك العافيه ماقصرتي

مرحبا اختي اوربا في هذا الوقت لا تصلح ابدا لان كلشي ابيض في ابيض وجمدة وماراح تشوفين الخضرة الي تبينها حتى البحيرات تكون متجمدة وامطار الا اذا كنتم راغبين سياحه شتويه بس ماتنفع لنا نصيحه اما اذا لازم اوربا فيمكن تغير الوجهه الى دول اوربيه اقل بروده مثل اسبانيا ايطاليا اليونانقبرص اتمنى اكون افدتك تحياتي

شكرا لك اخوي عزيز ماقصرت . نورتني

اتوقع ميونخ نفسها ما فيها طبيعه
يعني لازم تطلعين منها عشان تشوفين الطبيعه البيضاء ... كلها ثلج
انا عن نفسي ما انصح ب اوروبا فالشتاء
موفقين ان شاء الله

انا مثلك.. محتارة .. بس اشوف لو ما عندك صغار لاتتردين ابدا.. انا اللي محيرني الصغار اخاف يبردون.

هلا اخوي no nick
شكرا لك .يعني ماتنصحني بميونخ بهالوقت ؟؟
هلا اختي ندو . انا مامعاي اطفال عندي طفله عمرها 3 سنوات لكن مارح اخذها معاي . كلنا كبار . بس خبريني اذا بتروحين بنفس الوقت اللي بروح يمكن نلتقي انا بروح في اول ايام عيد الاضحى لمدة اسبوعين . كيف وقتك ؟

الله يوفقج حبوبه وتروحين وتردين بالسلامه
لكن احس انه ميونخ ما لها داعي تروحينها شو بتشوفين فيها؟
مثل ما قال لج no nick الطبيعه برع ميونخ او حواليها ممكن بدالها تروحين سالسبورج

رأيي في الموضوع بشكل مختصر
1- أوروبا في ديسمبر !! هذا يعني سياحة شتوية وهذا يعني لاأثر للون الأخضر (مافيها طقة عصا )
2- السياحة الشتوية رائعة جدا وهي أحد أمنياتي الشخصية لكن لابد من التقيد بقوانينها وأصولها .. لاتخبصين الصيف على الشتاء وترجعين من المورد بلا حمص (مثل شعبي)
3- شخصيا حاط في عيني 3 أماكن في الشتاء نفسي أزورها لأنها الأجمل (سويسرا والتزلج المبهر) و (السويد و فيها منتجع شتوي يحبس الأنفاس) و (الثالثة رغبة شخصية بزيارة طوكيو شتاءا)
4- يورو دزني في باريس ليست أفضل خيار لعشاق الألعاب فان "يوروبا بارك" بألمانيا أكثر اثارة وروعة للكبار والصغار على السواء (غرب ألمانيا بالقرب من حدود فرنسا)
5- اذا لم تكن من محترفي السفر (بكل ماتحمله الكلمة من معنى) فأوروبا شتاءا ليست لك (وأعتذر عن سوء الأدب هنا)أفضل الخيارات شتاءا :
هونج كونج (وفيها ديزني لاند تتفوق على ديزني باريس)
شانغ هاي بالصين حيث جمال ناطحات السحاب تماما كهونق كونق بس الفرق وجود نهر يقسم البلد الى نصفين جميلين
تايلندملاحظة مهمة : معظم الأنشطة في أوروبا تتوقف بنهاية أكتوبر وخصوصا مدن الملاهي لذا يرجى الاحتياط من هذا الأمر حتى لا تخسروا السفرة بدون ألعاب وربما أيضا منتزهات وأماكن كثيرة ..!!
أرجو أن أكون وفقت في الاختصار وللجميع تحيتي