مرحبا كيف حالكم؟
انا اول مرة اروح الكويت في العيد واتمنى مساعدتكم بالاتي:
ياهلا ومرحبا وكل الهلا فيكم وحياكم الله ..
1- شنو ارخص طيران من السعودية الدمام او البحرين للكويت ( انا شفت طيران الجزيرة بس بصراحة اغلى من اول وشفت ان السعر للشخص الواحد تقريبا 700 ريال من المنامة للكويت وانا اول رايح من المنامة الى دبي نفس الطيران ب 500 ريال مدري ليش تغير كذا) خصوصا انو احنا عيلة 7 اشخاص يعني راح يكون الاجمالي مكلف
حزت العيد تزيد اسعار الطيران المفروض تكون حاجز ابجر بس شوف سايت الكويتيه من البحرين او من السعوديه والجزيره او طيران الخليج ..
2- هل الكويت في العيد الجاي فيها اي فعاليات خاصة
فيها مسرحيات كبار واطفال وبرامج تقريبا في كل المجمعات ..
3- هل الكويت تحسونها عائلية وحلوة كثير وراح تنبسط العيلة؟
اي عائليه واكيد حلوه
ان شاء الله تستانسون فيها واتحبونها ..
تمنى تجاوبوني ولكم مني اجمل تحية
وهذا الموضوع ان شاءالله يفيدكم
https://artravelers.com/p/re/643470

حياكم الله بديرتكم الكويت
بالنسبة لطيران الجزيرة فهو طيران اقتصادي ولكنه يعتمد على توقيت الحجز وكل ما كان الحجز قبل فترة يقل السعر وأحيانا
كثيرة يسوون عروض مفاجأة خصوصا عن طريق الحجز بالنت وتكون الاسعار ممتازة ولكن اكيد في موسم الاعياد والمناسبات
تتغير اسعارهم لانها موثابته ممكن تشوف طيران الخليج أو السعودية،الكويتية يعني تطلع على أسعار كل الخطوط خصوصا
ان عندكم أيضا طيران اقتصادي نفس الجزيرة وفلاي دبي اعتقد اسمه سما اذا ماني غلطانه يعني لازم تجيك على كل
الخطوط..وانا من رايي الشخصي بما انكم من سكان المنطقة الشرقية وعددكم 7 أشخاص ليش ماتكون السفرة عن طريق
السيارة وتوفرون أسعار التذاكر في السكن والمصاريف ومنها تستغلون السيارة في التنقلات عندنا يعني أوفر وأفضل الكويت
قريبة من الدمام والخبر والبحرين..بالنسبة للكويت الحمدالله عائلية والعيد عندنا طبعا غير
على فكرة انا أقول هالكلام لاني بعيد الفطر ماكنت متواجدة بالكويت وفعلا ماحسيت بطعم العيد ولا شعرت بحلاوته وفقدت
أجواءه الحلوة واعرف اكثر من شخص يقولون العيد بالكويت غير من مسرحيات اطفال وكبار من سينما من مطاعم من
كافيهات، مولات، منتزهات، ألعاب، حدايق..الخ يعني راح تستانسون ان شاء الله واذا شرفتونا لازم تعطونا انطباعكم عن العيد
أتمنى لكم رحلة سعيدة وممتعة وحياكم الله