أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
تفاصيل المقابله / عربي ولا انجليزي ؟؟ انا : عربي وبدأت المقابله هو : سبب الزيارة؟ انا :سياحة. هو : رايح لوحدك ؟ انا : نعم. هو : وين رايح ؟ انا: رايح بورت لاند في ولاية اوريغون . هو : خططت لزيارة مكان ثاني مثلا فلوريدا ؟؟ انا : الى الان لا .( مع العلم اني اخترت وقت الزيارة ديسمبر ومدة الزيارة شهر ) هو : تعرف احد هناك ؟ انا : نعم . هو : من يكون فلان ( اسم الي انا ذاكرة في الابلكيشن ) انا : ولد عمي . هو : ماذا يعمل هناك ؟ انا : هو طالب . هو : كم مدة اقامته هناك . انا : سنتين . هو سكنه اين يسكن ؟ انا : يسكن في شقه . هو : اين سافرت ؟؟ انا سافرت سوريا والامارات ولبنان وماليزيا . هو : سبب السفر ؟ انا : سياحة . هو : معك جوازك القديم ؟؟ انا : نعم واعطيته اياه هو : ماذا تعمل ؟ انا : اعمل مدير صالة عرض ( علما بأني مقدم له سجل تجاري وتعريق من العمل بطبيعة الوظيفة ومختوم من الغرفة التجارية وكذلك السجل مترجم للانجليزي ) هو : كم الراتب ؟ انا : لا اعمل بالرتب ولكن اعمل مع الوالد وبنفس المال ( هذا فعلا هو الواقع ولم اكذب وكشف الحساب كذلك يشهد على ذلك وكان به مبلغ فوق 200 الف ) هو : متى تخرجت ؟ انا : 2003. هو : من اين تخرجت وماهو تخصصك ؟ انا : تخرجت من جامعه الملك سعود بالتخصص الفلاني . هو : اوكي امورك ممتازة ولكن اجرائاتك تحتاج المزيد من الوقت ( واعطاني الورقة الصفرا وقال لي انتضر منا اتصال ) اخبرته بأني انوي السفر لبلد ثاني ويهمني ان تكون الاجراءات سريعه طمني وثال نتصل عليك في مدة شهر بعد اسبوع حصلت اتصالين بعد العصر اتصلت بهم من الغد رد علي سوداني احبرته بأنهم اتصلوا بي وياني لم استطع الرد قال بكل بجاحة ( مو ذنبنا انتضر اتصال مرة ثانية ) قلت انو اتصالكم كان بوقت صلاة قال طيب اعطني رقم الجواز اعطيته قال معامله مرفوضة قلت طيب . من الغد اتصل بي القنصل الي عامل المقابله وقال انتى منت مؤهل تاخذ فيزا قلت اوكي الاسباب قال : انا ما اعرف من يكون ابن عمك ثانيا انا ما اعرف ليه ما تاخذ زوجتك معك ولا اعرف انت كيف ناوي تروح سياحة وهذا جسابك !!!!!!! قلت اوكي ما فيه اشكال من الغد رحت وقابلته وكان في موظفه سودانية حتى هو ما تكلم عربي زي اول مرة تكلم المرة هذي انجليزي وهي تترجم قال انو مو مقتنع اني رايح سياجة وانا بإمكاني اقدم مرة ثانية وممكن يحالفني الحظ طبعا السودانية قالت قدم ولا هو شرط هو الي عمل لك المقابله . هذا الي صار بالتفصيل واذا فيه اي استفسارات انا حاضر
المقابله حسب ما سردت عاديه جدا ..
وهذا ممكن يكون إستقعاد من القنصل لا أكثر ولا أقل حسبي الله عليه ..
كل ما عليك أنك تقابل مرة ثانيه .. ولا تغير من معلومات المقابله الاولى ولا حرف ..
لان كل شي مسجل عندهم .. خلك واضح وصريح وسريع البديهه ..
والاسأله اللي سألها لك القنصل السابق إبحث لإجابات مقنعه تناسب وضعك ..
ونصيحه مني لك .. إذا سألك أي سؤال .. رد عليه بإجابه مختصره جدا و مقنعه بنفس الوقت ..
إجلس مع نفسك قبل المقابله .. وناقش معلومات الابلكيشنات مع نفسك ..
وحاول تسد أي ثغره ممكن تدخل عليك أسأله محرجه ..
والله يوفقك ويسدد خطاك ...
في مقابلتي الاولى ولله الحمد ما ارتبكت ولا تلعثمت ولا كانت اي اجابه عندي تختلف عن الموجود في الابليكيشن كانت الاجابات كماهي مكتوبه ولا تغير فيها شي ابدا بس ما ادري هل الشكل له دخل في اعطاء الفيزا ؟؟؟؟ لاني ولله الحمد والمنه ملتحي.
ثاني شي هل من الممكن اجيب حجوزات فنادق زيادة في مدن ثانية لان ولد عمي قال لي ان مدينته يهربون منها الناس في ديسمبر بسبب البرد .
طبعا هذا كله شي وقولت القنصل بعد المقابله امورك ممتازه شي ثاني حسبي الله عليه
اخوي الرصاصي تقول اجلس مع نفسك قبل المقابله وسد الثغرات وانا اقول لك ما في الامكان اكثر من الي كان ما اقدر اجيب شي زيادة انا جاوبته بصراحه وصدق والحمد لله
وبالنسبة للمعلومات تقول لاتغيرها انا اصلا ما عندي خيار ثاني الى زيادة في السكن بس وبالنسبه للتقديم الاول انا مصور النماذج قبل لا اعطيهم اياه تحسبا لمثل هذا الموقف
اشكر كل من تجاوب معي وبالنسبة لك:
اخوي تاكي انا ما ذهبت للدراسة قبل كذا
بنت الصقور شكرا لاهتمامك والمقابله موجوده كما طلبتيها
عاشق خيال الله يعين الجميع وشكرا لتواجدك
اخوي الرصاصي معك على الخط ان شاء الله ومشكور على تواصلك
الرجال استغرب وش هالسياحه اللي في اوريجون في ديسمبر ... لو انك قايله زيارة لقريبي ... و بعدين بغيت أسألك عند تعبئة الفورم هل ذكرت انك تعرف احد هناك و كتبت عنوان ولد عمك ؟؟؟
نعم ذكرت اني اعرفه وذكرت تلفونه وذكرت عنوانه وبالنسبه لبورت لاند في اوريغون انا ما كذبت عليه لما سالني وقلت الصحيح قلت له اني رايح لها سالني بتزور مدن ثانيه قلت لسى ما بعد حددت وفعلا هذا الصحيح تخطيطي بعد ما اصل للمدينة نحدد مكان نطلع له
أخوي اذا كنت سافرت قبل لأي دوله تدرس لغه .. هم يفترضون انك اللحين نفس الشي رايح عشان تدرس
والمفروض تطلع فيزا دراسه مو سياحة