حياج الله في ديرتج الكويت
السلام على الجميع
انا باجر ان شاء الله باكون في الكويت الحبيبه وهي ثالث مره ازور فيها الكويت بس ابغي اعرف كم معلومه سريعه
1- ابغي احسن حلاق رجالي
عندج وايد صالونات في الكويا مافي شي معين في كذا واحد على شارع الخليج العربي وافضلهم قصر النيل
2- ابغي احدث الاشياء اللي في الكويت حتى لو كان مقهى او مطعم المهم شي يديد ( آخر زياره لي كانت قبل سنه)
عندج مجمع الافنيوز فيه كافيهات ومطاعم يديده في توسعه الجديده عندج مجمع 360 في منطقه الزهراء او على دائري سادس بس جم محل مفتوحين فيه
عندج مطاعم الي جدام ميس الغانم 3 مطاعم فرنسي امريكي ايطالي الايطالي وايد حلو
3- بخصوص مسرحية مصاص الدماء ابغي اعرف وين مكان المسرح ؟؟
مكان مسرح في منطقه اسمها خيطان قريبه من المطار بطريج المطار
ودرب السلامه

حياك الله اخي المغامر في دولة الكويت
بس معلومة ان مسرحية مصاص الدماء تعرض في منطقة كيفان وليس خيطان مقابل الجمعية
وبالنسبة لأفضل حلاق فمتروسة الكويت حلاقين درجة اولى بس المهم يكون لبناني لا تروح للباكستاني ترى يشور بشعرك:112:
والمطاعم متروسة بالديرة وطب وتخير وفي مطعم ومقهى على البحر في كل شارع الخليجانت قز بس وتلقى كل شي

travel star
يعطيك العافيه اخوي مشكور وما قصرت انا اليوم وصلت الكويت وشكلي باجر باجرب صالون قصر النيل وان شاء الله يطلع اوكي