ملاحظه برنامج سفر لشهر العسل

يا اخت بنت الشامسي
ما قلتي لنا متى بتسافرون بالصيف أو بالشتاء
وشكثر الميزانية اللي حاطينها لهذي السفرة
إذا كنتوا بتسافرون في الصيف الجاي يعني على أول شهر سبعة أنا ارشح لكم طبعاً اوربا ( سويسرا, فرنسا , النمسا , المانيا )
اما في الشتاء فأحسن لكم هو جنوب شرق آسيا
( ماليزيا , تالندا , سنغافورة , اندونيسيا)

هلا اختي انصحج باوروبا وخاصة الوقت الي مختارينه الجو حلو هناك

الوقت نوعا ما حلو بس ميزانيتكم هي الي اتحدد
يعني ممكن اقترح لكم اتروحون المالديف 8 ايام وبعدها تطلعون على دبي
وممكن اقولكم اتروحون مصر وشرم الشيخ او بيروت
وممكن اقولكم جزيرة بالي وماليزيا
وممكن اقولج روما وبرشلونه
او اسبوع باريس واسبوع لندن
او جنوب افريقيا وجزيرة سيشل او موروشيس
والا قتراح الي افضله دايم هو 10 ايام غلود كوست و5 ايام سدني بستراليا
انا اقول حدديلنا الميزانية علشان انعرف اذا الميزانية عالية اكيد يا جنوب افريقيا يا اوربا يا استراليا
واذا الميزانية مو عالية يعني ماليزيا او مصر او بيروت

مجرد اقتراح ماليزيا حلوه تصلح لشهر العسل وزيدي عليها مصر اذا حبيتوا ماليزيا امان نوعا ما ومريحه وطبيعه حلوه واتمنى لك التوفيق يارب.

هلا مشكورين على الردود الحلوه بالنسبه للميزانيه هي مب قليله ولا كثيره يعني متوسطه.

ومدة السفر تقريبا 20 يوم من تاريخ 10/04/2010 إلا 28/04/2010

كم الميزانية بظبط علشان انعرف واذا 20 يوم انا انصحج بستراليا

أخويه حلو ومدلع يعني عشرين يوم بس أتم فيها في أستراليا بس أنا ودي أربع أسابيع وكل أسبوع في دوله شو رايكم اخواني.