1. وصلنا الفندق الساعة 1 ونصف تقريبا قمة الانهاك


2. 3- فندق بانكوك Grand central point ,terminal 21


3. ثم المرحلة التانية فوكيت على طيران اير اسيا الرائع كالعادة


4. 1- جزيرة جميلة طبيعة و رحلات بحرية و انشطة ليلية

ملاحظات سريعة قد تفيد البعض ..
1- السفر على طيران الاتحاد الكاذب ..القاهرة ابو ظيى بانكوك والعودة سنغافورة ابو ظبى القاهرة ..
المفترض ان الترانزيت فى ايو ظبى ذهابا ساعة ونصف والعوة ساعة ونصف ..ولكن فى الواقع تاخرت طائرة بانكوك فى الذهاب 4 ساعات وانتظار فى المطار بالبنات الشغيرين ومعاناه ولا اى اعتذار اخبطو راسكو فى الحيط ..
والعودة بمجرد وصولنا مطار ابو ظبى كان النداء الاخير على رحلة القاهرة جرى على البوابة واذا بالموظفة الباردة اصل طيارة سنغافورة كانت المفروض تتاخر فانتو جيتو فى ميعادكو واحنا ادينا اماكنكم لناس تانية ..والله بالحرف ده الل قالته ..
طب والعمل تنتظروا بكرة الساعة 10 صباحا اول رحلة للقاهرة قلتلها انتظر بس فى الفندق الساعة كانت 12 مساء يعنى 10 ساعات ومعايا اطفال قالت نشوف وعلى مكتب التحويلات وانتظار طويل وفى الاخر حجزنالكم على رحلة 10 ص القاهرة والفندق ما نقدر عشان الساعة 3 وباقى 6 ساعات على البوردنج ..قلتله نعم يخويا وفرجت عليهم مطار ابو ظبى والمطارات المجاروة ..دحنا مصريين ...المهم طيب اتفضلو على الفندق
الخلاصة اخر مرة اسافر على الطيران الزقت ده
2- وصلنا بانكوك 12 بالليل بعد التاخير وطابو طويل عشان الجوازات بس عشان معانا اطفال عدونا من سكة تانية خلصنا سريعا وطابور طويل جدا عشان التاكسى

وصلنا الفندق الساعة 1 ونصف تقريبا قمة الانهاك

3- فندق بانكوك Grand central point ,terminal 21

رائع بكل ما تحمله الكلمة من معنى ..غرفة متطورة جدا كلها زراير الستاير بتترفع بالزراير والحمان كله زراير عايز كتالوج معاه وميكروويف وتلاجة كبيرة مش منى بار وحاجة على كيف كيفك وفيه مول ملحق بيه وقريب من منطقة العرب والوسبر ماركت وصيدليات وكل شئ
4- بانكوك عاصمة مزدحمة مش نضيفة اوى زرنا فيها السوق العائم لا يستحق الزيارة وبعيد جدا وتعرضنا فيه لنصب من صاحب تاكسى واقف فى الشارع قالنا هوصلكو ورحنا لاقينا التذكرة ضعف التمن وادبسنا بقى ..غلطةبس كان الوقت ضيق ان احنا سمعنا كلام تاكسى فى الشارع اوعى تصدقهم واقفين طابور وماسكين ورق وبورشورات سياحية .عليك بالمكاتب السياحية المضمونة ..
5-رحنا سفارى وورلد جميلة صراحة مع موسى البانكوكى صراحة راجل ممتاز وامين وطلع معانا سواق ممتاز ومسلم
6- منطقة العرب جيدة نهارا ليلا بنات ليل وبارات وحاجة مقززة
7-جربو الاكل التايلاندى وابعد تماما عن الاكل العرب والمطاعم العربية كما قال الاخوة
المهم وقت بانكوك كان ضيق وانطباعى عنها متوسطة المستوى

ثم المرحلة التانية فوكيت على طيران اير اسيا الرائع كالعادة

1- جزيرة جميلة طبيعة و رحلات بحرية و انشطة ليلية

2- سكنا فى فندق بوراسارى بناء على ترشيح الاخوة هنا فى منطقة الباتونج ..صراحة اقل كثير من توقعاتى عادى جدا وقديم والاستاف تعاملهم تعبان صراحة والفطار معظمة غير حلال وخسارة فيه الفلوس صراحة مع انى حاجز جناح والفندق صغير وكله محصل بعضه..ميزتة الوحيدة موقعه القريب من الشاطئ والمطاعم والانشطة
3- رحلة جيمس بوند رائعة وتجربة القوارب المطاطية جميلة جدا جدا لازم تجربها ما يعيب الرحلة هو وجود ليدى بوى ولد بنت يعنى (شواذ باين )من طقم المركب وقعدو يرقصو فى الاخر وشكلهم مقرف ومقئ
4- جولة فى الجزيرة بالسيارة تستحق انك تعملها
5- شاطئ الباتونج لمحبي الحركة والحيوية والانشطة الليلية وباقى الشواطئ فيها منتجعات فخمة لمحبى الهدوء بقى وشهر العسل
6- فنتازيا شو جميلة اوى لازم تشوفها مع الاكل الحلال الجميل
7- الشراء من بوكيت اغلى من بانكوك كما قال الناس هناك انما انا غير مهتم بالشراء الا بعض الهدايا البسيطة لبناتى وزوجتى كتذكار فمحستش اوى بالموضوع ده
8- عند حجز الرحلات عموما فى تايلند وهو سهل والمكاتب فى كل مكان اسال كذا مكتب والاسعار مختلفة كتير وانت وشطارتك وفاصل هتلاقى نزلت كتير بشكل غريب
9- بوكيت فى المجمل جميلة تستحق الزيارة جدا
تايلند فى المجمل متوسطة بالنسبة لى مقارنةمثلا بماليزيا التى اعشقها ارقى وانضف ويكفى انهم مسليمن لا ماليزيا غيرثم المرحلة التالية الى سنغافورة (مرحلة الانبهار والجمال والنظافة وكل شئ حلو )
على اير اسيا برضه الرائع كالعادة
1- كل شئ حلو اول لما توصل المطار كل شئ تقع عنيك عليه رائع
2- التاكسى بالعداد مفيش بقى كتير وقليل وتفاصل وتقرف نفسك
3- سكنا فى جزيرة سنتوسا رائعة الجمال وفى منتجع شنغريلا الرائع كل شئ فيه رائع تعامل الستاف يحتاج انه يدرس فى الكتب والله ..قمة المهنية والاحترافية
4- سنتوسا رائعة وكل انشطتها تستحق انها تعملها كلها بلا استثناء
5- المدينة كلها جميلة وكل الفعاليات تستحق انك تعملها رحلات جولات سفارى اى شئ حلو
6 قمة النظام والنظافة والتحضر لما ٍشاهد مثل هذا فى اى مكان ولا فى لندن هى ارقى من لندن بلا مبالغة
7 الرحلات اسعارها موحدة ومسعرة والفندق كان بيتصل بالتليفون وييجو ياخدونا من الفندق ويرجونا يوندفع السعر المعلن على النت وفى البورشروات ومفيشاى نصب ولا مجال اصلا للنصب
8 لازم اى حد معدى على جنوب شرق اسيا اربع ايام سنغافورة ويدعيلىمعلونات بسيطة قد تفيد البعض شكرا