- الدخول من المدخل الشمالي أفضل وأقرب للسفارة من المدخل الجنوبي.
- 6- تمسك سرا من جديد بس جالس على الكرسي
أخواني أعضاء وزوار منتدى العرب المسافرون السلام عليكم ورحمة الله
توني راجع من الرياض طبعا أخوكم من المنطقة الشرقية
الي حصل معاي اليوم بالسفارة النمساوية
1- موقع السفارة يقع في حي السفارات بالرياض بين الدوار التاسع والعاشر بجانب السفارة السويسرية
الدخول من المدخل الشمالي أفضل وأقرب للسفارة من المدخل الجنوبي.
2- كل ما كان وصولك للسفارة قبل الساعة التاسعة يكون أفضل يتم التسجيل عند البوابة وبعدها يتم الدخول حسب ترتيب تسجيل الأسماء يتم تسجيل الأسماء من الساعة 9-12 فقط واستلام الجوازات بعد الموافقة على التأشيرة بعد الساعة 12ظهرا بعد اسبوعين من تاريخ التقديم
3- إلي ينادون عليه ولا يكون موجود يتم النداء على إلي بعده وبعد وصوله ياخذ رقم أخر واحد
4- الوقوف خارج السفاره طبعا وقوف أو على أي دكه وأنتم عارفين الجو هذه الأيام انصح تاخذون ماء وتصبيره
5- بعد الفرج والدخول إلى السفارة طبعا لا تظنون انفتحت طاقة الفرج توك في أول الهم
6- تمسك سرا من جديد بس جالس على الكرسي
7- عند وصولك للشباك طبعا فقط شباكين للأستلام الجديد والثالث لتسليم الجوازات الجاهزة
8- يتم التشيك على جميع الأوراق الأستمارة- الجواز ولازم يكون صاحب الجواز موقع في الصفحة الثانية تراها ضروري جدا جدا التوقيع مطابق للتوقيع إلى في الأستمارة - تأمين صحي - صورة لكل الجوازات المطلوب لها تأشيرة - عدد 2 صور شمسية 3,5×4,5سم الخلفية بيضاء والحرمة يكون وجهها ظاهر من الجبهه إلين تحت الفك وإلا بيرجعونك - كشف حساب من البنك أخر 3 شهور مختوم من البنك- تعريف من جهة العمل باللغةE مختوم - صورة التذكرة لك وإلي معاك - حجز فنادق مهم جدا جدا مرسول بإسمك بالفاكس مباشرة وليس لوكالة السفر إلي أنت حاجز منها وظاهر على الورقة رقم الفاكس المرسول منه ويكون دولي وتاريخ الأرسال وإلا بيرجعونك مثل ما حصل معي اليوم
9- في حالة وجود ملاحظات على أوراقك الله يعينك بيطردونك وبقولون روح كمل أوراقك وأرجع مرة ثانية انتبهو يا أخوان لموضوع الفاكسات تراها ضروري جدا جدا طبعا أنتم عارفين أن اليوم السبت وبكره الأحد وبتقولون وش الجديد؟
أقول مكاتب الحجوزات إلى في الفنادق إلي بره ما يداومون يقولون weekend عطلة نهاية الأسبوع عندهم وما يقدرون يعطوني شي بعد ما أتصلت عليهم أكثر من مره إلا يوم الأثنين وأخوكم رجعت من الرياض ودمعتي على خدي لذلك حبيت اشارك بهذا الموضوع لعله يفيدكم وأي خدمه أنا حاضر والسلام ختام
وايش نص الرسالة اللي كتبتها حتى يرسلون لك تفاصيل سكنك بالفاكس وهل ياخذون فلوس على قيمة الارسال ؟