السلام عليكم ورحمه الله وبركاته
الحمد لله رجعت من سوريا والرحله حلوه وبسيطه والمعذره ماقدر انزل تقرير الحين
احس اني ضايع والجو تغير علي بس عندي بعض الملاحظات من خلال رحلتي وياليت
تستفيدون منها
1- التربتيك سعره 300 الى 320 بالقريات والحديثه
2- الاردن وش سالفتهم رادار ونقاط تفتيش بالجمله ومع هذا اخلاقهم عسل
3- جوازات سوريا يطلبون اكراميه بستحياء اما الجمرك يطلبون اكراميه وعيونهم قويه
4- انتبهو لرادار من درعا الى حمص اما من حمص وبعد حط رجلك والله يعينك على 40 ليره للتر
5- لايفوتكم جلسه ببيت الشعر بمطعم المرجان بالنبك وأكلهم اعجبني :x1:
6- اذا كنت متوجهه لكسب مثلي وماتعرف احد او ماحجزت روح للبدروسيه وستاجر شاليه ب1500 يوم واحد ورتاح وريح الي معك ودور لك بيت على رواقه
7- استاجرت بكسب ب 3000 قبل الحدود التركيه دورين ثلاث غرف مع مزرعه صغيره وحلوه ميزه البيت جلسته حلوه خاصه بالليل وخصوصيه للعوايل وهادئ اما عيوبه حر بعض الأحيان بالنهار وبعيد عن السوق بكسب
8- كسب لاجديد وكأنها ماهي سياحيه
9- احب التعامل مع اهل كسب اكثر من الصلنفه
10-استراحه ابورمضان مكاني المفضل في الطارقيه حلو الكباب الي عندك بس الشقف مو ذاك الزود
11- الصلنفه انتشر به الطمع والزحمه بزود والحوادث وخاصه للسيارات الخليجه اشوفها بالكوم
12-السكن بين الصلنفه وسلمى ب2000 ليره غرفتين وصاله والجو لايعلى عليه احسن من كسب كطبيعه وبروده
13- الي يبي عسل طبيعي يمر على ابوشادي ( استراحه ابوشادي اول طريق سلمى على اليسار وعنده خبز صاج)
14-الصرف ب12.3ونتبهو من السحب عن طريق الصراف الآلي يحسبون الريال ب11.8 تقريبا
15-مصياف و ابوقبيس له عشاقها بس انا ماعجبتني مادري ليش
16- والله فيه اشخاص ماودي افارقهم بالبدروسيه وكسب والصلنفه بس الشكوى لله هذي الدنيا
17- الدنيا مصالح ومو كل واحد يمدحك او يتودد لك تضنه يحبك خل مده الإيجار تخلص وشف يسكنك بلاش
لكم مني كل الود وأي استفسار انا جاهز ولو تأخرت اعذروني مشغول شوي