يتيم28
19-11-2022 - 04:40 am
السلام عليكم و رحمة الله و بركاته
اعزائي أعضاء هذا الصرح الجميل,
اخوكم اخيرا" قرر السفر للمغرب لمدة 8 ايام وحيدا", 7 ايام مراكش و يوم كازا بعد اسبوع تقريبا" من الان, والمدة والله ادري قليله بس هذا اللي قدرت عليه والجايات ان شاء الله افضل. ما ابي اطول عليكم, انا والله ياشباب ابي رائيكم في موضوع السكن في مراكش انا والله محتار بين السكن في فندق او شقة بالنسبة لاول مرة و ابي رائيكم بنوع السكن. والاستفسار الثاني في اي منطقة اسكن, يعني انا احب الكوفي شوب واماكن جلسات حلوة وناس وسهر وفلة بس مدري في اي منطقة تتوفر فيها هذي الاشياء بدون استخدام التاكسي بكثرة.
ادري والله اني ثقلت عليكم و ان الموضوع يعتبر متكرر بس انا والله دورت في المنتدى و بصراحة لخبطت شوي وضربت فيوزاتي و مو عارف ايش اسوي وخاصة انه زي منتو عارفين المدة قصيرة و ما تتحمل المنغصات بسبب سوء التنظيم و محتاج مساعدتكم جدا" جدا" والله لايحرمنا منكم.
هذا ولكم ودي و احترامي
نوعية السكن خمس نجوم والا اقل
تبي سيارة اجار والا نو
عموما انصحك بشارع جليز
فندق سوفتيل 1400 درهم كنزي فرح 1300 مراكش بلازا والذي انص فيه اكثر 1200
النخيل و ما النخيل تنفع للمجموعات شقق ما انصحك دامك وحداني
فيه فنادق ايبياس نجمتين حلو ورخيص فيه اربع نجوم ميرماس 500 فندق امين 400 درهم
الاماكن السياحية موجوده في تقارير الاعضاء غطو كل شي حتى ما بقو شي جديد الا جابوه لنا
اتمنى اكون افدتك واي استفسار حاضر
نسيت اقلك لازم تاكسي او سيارة اجار بسائق الا انك من ابطال المارثون
دمت بود