أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
حياكم الله في ديرتكم الكويت اخوي عندك تقريبا 3 خطوط وشوف شنو الانسب لك واختاره ( منفذ النويصيب - الخفجي ) 1- خط الرياض الدمام السريع- جوده -حنيذ - مليجه - النعيريه - الخفجي - الكويت هذا الاول لي الكويت العاصمه 800 كيلو 2- طريج الصمان من الرياض الى رماح = 100 كم من رماح الى الرفيعة مروراً بشويه = 150 كم من الرفيعة الى قريه العليا = 90 كم من قرية العليا الى النعيرية = 90 كم من النعيرية الى الخفجي = 100 كم تقريباً المجموع = 530 كم تقريباً وضيف عليها من النويصيب لي العاصمه الكويت 100 كيلو يعني المجموع 630 (منفذ الرقعي - حفر الباطن ) سايدين 3- طريج المجمعه الرياض إلى المجمعه على طريق القصيم السريع (200كلم) - المجمعه إلى حفر الباطن على خط حفر الباطن (300كلم) - إلى منفذ الرقعي (90كلم) و ضيف 160 تقريبا لي العاصمه الكويت - من بعد ماتطلع من الجمارك اتكمل سيده حوالي 100 كيلو لحد ماتشوف لوحة مكتوب عليها (الدائري السادس) بعد ماتمشي على الدائري السادس حوالي 60 كيلو راح تشوف لافته مكتوب عليها (طريق خادم الحرمين الشريفين الملك فهد بن عبدالعزيز) تاخذ الاتفاف وتمشي سيده لحد ماتجابلك اشاره بعد ماتعدي الاشاره يعني انت بالعاصمة تاخذ أول دوار سيده وثاني دوار سيده وراح تلقى نفسك بالعاصمه ان شاء الله .. اذا بطاقتك اليديده فيها chip عادي تدخ فيها .. وحياك الله
أفضل طريق في رأيي وهو سيدين من الرياض للمجمعة ومن المجمعة إلى حفر الباطن ومن حفر الباطن إلى الرقعي ومن الرقعي إلى الكويت كله محطات وطريق على كيفك كله سيدين
بالنسبة للبطاقة إذا كانت الجديدة إللي فيها شريحة (الهويةالوطنية) فهي كافية.
بالنسبة لسفراتي من الرياض للكويت ..
اقترح تطلع من الرياض سيدا كأنك رايح الدماام .. واطلع على طريق بوحدرية .. ليما توصل الكويت ..
يعني اختصرت لك القصة .. كلها .... بطريقين فقط ..
الأول من الرياض لدمام
الثاني من الدمام للكويت .. (بوحدرية )
وكلها سايدين .. وآمنين
وبالنسبة للمسافه .. احسب مسافتك من الرياض للدمام .. وزيد عليها ساعتين وربع - ونص .. بسرعة 140 الى 160
ونسبة للبطاقة او الجواز .. اذا بطاقتك حديثة اللي فيها شريحة نحاسية .. تقدر تدخل .. وبالجواز تقدر تدخل ...
وبالنسبة للتأمين السيارة .. ف هو اختياري وليس اجباري .. بس اذا بتطول بالكويت أمن .. لأن الطرق عندنا زحمة .. وتاكسي الجوال .. مايتفاهم
وحياك الله
