أخي اذا ممكن تحدد أكثر كم يووم راح تكون سفرتك وأحنا بالخدمه
اختصارا غير المجمعات تقدر تروح الحديقة المائية ( جنة دلمون المفقودة ) ،، المطااعم تارسه الديره والكوفي شوبز
حديقة عذاري

مرحبا أخوي.. الف مبروك على الزواج ومنك المال ومنها العيال والله يرزقكم بالذرية الصالحة.
بالنسبة للاماكن توجد الكثير من المجمعات:

• مجمع السيف
• مجمع السيتي سنتر ( أكبر مجمع في البحرين )
• مجمع مودا مول ( تقريبا نفس محلات فيلا مودا الي في الكويت )
• مجمع الدانة
• مجمع العالي
• مجمع البحرين

اما عن الاماكن السياحية:

• متحف البحرين الوطني
• بيت القرآن

والكوفي شوبات انصحك اتروح للمنطقة الي اتصير بالضبط خلف فندق الخليج ... راح اتلاقي مجموعة من الكوفي شوبات الراقية والي تعتبر في البحرين من الدرجة الاولى.. وخصوصا ان المنطقة تم تطويرها ووضع ممشى تقريبا نفس السوليدير في لبنان.
وكل التوفيق ان شاء الله في رحلتك ... واي استفسار احنا حاضرين....

مبروك الزواج اخوي ..
اخوي بحريني كفى ووفى بالنسبه للأماكن اللي سألت عنها ..
بس انت ماتطرقت لموضوع السكن يمكن انت حاط ببالك سكن معين بس حبيت اعطيك مابجعبتي ..
بالبدايه دام ام العيال بخاطرها سفره غير شهر العسل فلازم تخطيط حلو لسكن يعجبها ..
اذا الميزانيه مفتوحه ممكن تفكر بالبنيان تري وهو منتجع يحتوي على فلل وكل فله بمسبحها الخاص
ممكن تشوف موقعهم وهذا رابط الصور حقه >> http://www.banyantree.com/en/alareen/gallery.html
واسعار الفلل تبتدي من 250 دينار للديلوكس فيلا بمسبح خاص
بس عيب المكان انه مقطوع مايمه شي من الخدمات لانه يقع بالعرين عند الفورميلا لكنه رومانسي لاخر درجه ..
وعندك الرتز كارلتون قريب من السيف وفخم وحلو ويطل عالبحر واسعره من 150 لليله تقريبا ..
لكن اذا الميزانيه محدوده ممكن تفكر باليت ريزورت & سبا وهو على جسر الشيخ حمد اللي يوصل المحرق بالمنامه
موقعه حلو عالبحر وهادئ والخدمات والمجمعات قريبه منه .. تقريبا 15 دقيقه
او عندك اليت قراند فمنطقة السيف ..
بالنسبه للكافيهات انصحك بكافيه ليلو عند مجمع العالي او فرع العدليه (خلف فندق الخليج)
ولاشوكولا عند تقاطع مجمع السيف وراح تشوف له قعدات خارجيه حلوه ..
وقعدات لوبي فندق الرتز كارلتون تعجبني
اي استفسار ثاني الكل حاضر لك ..
وحياكم الله بديرتكم

مشكورين وما قصرتوا يا اهل البحرين هذي اردى فعايلكم انكم ما تقصرون مع اي واحد
بالنسبة للسفرة راح تكون يومين بنص الاسبوع لكسر الروتين ولتفادي الزحمة بالويك اند مثل ما انتوا عارفين
بالنسبة للسكن واقع اختياري بين فندقين كراون بلازا ونوفوتيل الدانة لكن ارشح النوفوتيل لانه كراون بلازا يوجد به نادي ليلي وانا ما احب الاشياء هذي
وللي حاب يعرف انا مسافر بسيارتي الهيروشيما قصدي الالتيما بس انا كان قصدي ابي عناوين او ارقام تلفونات لانه مابي كل شوي اوقف واسال وين المكان اللي بروحله لاني اذا ضعت ضعت يعني عادي اقعد اربع ساعات مضيع بالمكان الي انا فيه (صارت معاي يدور الفندف ماله اول ما وصل البحرين لول)

اختيارك للفندق ممتاز ..
بالنسبه للعناوين ان شاءلله فالبحرين ماراح تضيع ..
من الفندق اذا طلعت .. بتكون على جسر المحرق .. من الجسر اللي بتشوفه اعمل U turn (فوق, تحت) ..
بترجع عالجسر اول ماتخلص من الجسر في اشاره .. اخذها على طول .. بيصير فندق الخليج على يسارك .. خل لفته او روح سيده للاشاره الثانيه ارجع اعمل U turn (فوق , تحت) .. وبعدها ادخل اول دخله عاليمين .. هالشارع كله مطاعم طب وتخير .. وانصحك بليلو .. كيكاته او اكله لذيذ ..
اما اذا كنت تبي تروح للمجمعات .. فبعد ماتخلص من الجسر لاتوقف فالاشاره .. انعطف يمين ..وامسك خط اليسار .. بتمر على فندق الدبلومات عن يسارك خل اشارته او واصل سيده .. الاشاره اللي بعدها تقاطع يا يمين جسر الشيخ حمد اللي يأدي للمحرق ايضاً .. او يسار , اذا لفيت يسار ثاني اشاره بتوديك للمودا مول .. او اذا مابغيته .. خلك مواصل سيده .. بعد الاشاره الثالثه او لما يكون فندق الرجينسي على يسارك امسك يمين .. ولف فالمنعطف .. بتشوف مجمع الستي سنتر ..
اذا تدل السيف فاهوا في سطرته .. بس بينهم العالي او شارع او اشاره ..
يمكن دودهتك اكثر .. اسفه

اخوي اذا انت دكتوراه بالضياعه المفروض اول شي تركبه السياره قبل لاتركبونها انتو
القارمن راح يفيدك كثير والله ..
وحياكم الله بديرتكم الثانيه