السلام عليكم ورحمة الله وبركاته ،،
بغيت اسأل كم سؤال إذا ماعليكم امر ’’
انا ان شاء الله بروح للدارسة ببريطانيا مع زوجي طبعآ زوجي عايش هناك من فترة وعارف النظام كيف ، لكن انا لا ومافي بيننا اتصالات انا وزوجي بفترة الملكه علشان كذا انا محتاسه ومدري وش اسوي .
بما اني راح اسكن هناك وش الأشياء اللي احتاجها وماراح القاها هناك يعني لازم اشتريها من هنا ؟؟
وش الأشياء الغير مسموح فيها يعني بتفتيش المطار ، ابي اعرف من اللحين علشان ماانحرج قدام زوجي اخاف اخذ شي ممنوع ..((اذكر وحده تقول كانت ماخذه بخور وجلست ساعه عشان هالبخور قعدوا يحلوون فيه ))
نظام الحياة بشكل عام كيف عندهم ؟؟
راح نروح شهر عسل تقريبآ اسبوعين ونص وش الدول الاوربيه اللي تنصحوني اروح لها ؟؟؟
هل الحياة ببريطانيا صعبه وعمليه جدآ ؟؟
والف شكر لكم وآسفه طولت عليكم لكن جد والله محتاسه مدري وش اشتري اللحين لأن بجهز ومدري وش اسوي ياليت تجاوبون علي اسألتي اذا سمحتم اذا عندكم معلومات زيادة ياليت ماتبخلوون علي والله يجزاكم الف خير ويرحم والديكم ،،
تحياتي وتقديري لكم جميعآ ..