12 مشاهده ولا رد واحد خيبتو ظني فيكم

هلا فبراير ان شاءالله راح يكون من تاريخ 25 يناير تقريبا ......والجو بارد بس لازم تثقلين الملابس اذا كنت بره يعني بالمولات راح يكون الجو ادفى ........والامطار على حسب الجو والكويت امطارها قليلة .....يمكن اتابعين حالة الجو بالاخبار او حتى هنا بالمنتدى واضح باول الصفحة على اليمين حطي اسم الكويت وبعدين شوفي الجو ودرجة الحرارة .........ومن بكرة راح تبدى اجازة المدارس واكيد الكل ما راح يقعد بالبيوت .......بس الزحمة بتخف بعد يوم الخميس لان الناس راح تسافر او تظلع المخيمات بالبر اما في الاعياد بينزلون للاحتفالات وهي ايام 23 ال27فبراير .........يعني وقتك راح يكون خفيف عن الزحمة ..............حياك بالكويت متى ما حبيت

حياكم الله ... انا مع اختي فابيولوس في اللي قالته .. الجو يكون بارد في الليل بس في النهار وايد حلو ... و لازم تجيبون ملابس ثقيله معاكم للاحتياط .. و تقدرون تستمتعون في الاماكن المفتوحة و الجلسات و الانشطة الخارجية وقت النهار و في الليل في الاماكن المغلقه اذا ما تحبون البرد
و الزحمة تزيد على آخر فبراير مع وقت الاعياد الوطنيه .. يعني وقتكم حلو
ربي ييسر لكم اللي فيه الخير إن شاء الله و حياكم الله مرة ثانيه

حياكم الله باي وقت مثل ماقالوا الخوات الجو بارد ومطر ان شاء الله ينزل لان هالسنه ماكو مطر
شوفي الاخت فابيولس مبطله الباب مو مهتمه للبرد
الاحتفالات راح تبدي من باجر من جزيرة قاروه
زحمه ماعتقد راح تكون زحمه الحين يمكن على 22 فبراير وطالع
لا تترددين احنا بالخدمه لاي استفسار

هلا اخوي كويتي حياك الله والتعليق الحلو ......اكيد بابنا مفتوح لكل اللي يحب الكويت وحتى البرد والحر اذا هو خير ان شاءالله احنا باستقباله .....مثل الحين الهوا داش وطالع من الباب على كيفه احنا بس نسمع الباب يفتح ويصك ههه