هل من مساعده اخواني

عزيزي الفاضل ابو عزيز ممكن اتصل عليك ودي ببعض الاستفسارات العاجله منك وياريت اقدر أخذ النصح منك
حاولت ارسل لك مسج ماعرفت اخذ ايميلك
ممكن الطريقه اللي اكلمك فيها ع التلفون شخصيا
شاكر لك وفي انتظار الرد منك

1. دبي الى البحرين ومنها للسعوديه ان شاء الله


2. ياريت المره هذي احصل على جواب منكم انا بإنتظاركم على احر من الجمر

حبايبي الاعزاء شكلي بزعجكم معاي انا للحين 3 مواضيع اكتب وللأسف الكثير يدخل يقرى الموضوع بدون مايحط رد لمساعدتي ارجو المره هذي انكم تفيدوني وتفزعون وياي
انا بكتب بإختصار رحلتني لكن ابي منكم التوجيه الصحيح وسبق وكتبته لكن اللي ابي اعرفه وين اروح في الاماكن وايش طريقه التنقل اللي استخدمها بشكل افضل :
رحلتي راح تكون من السعوديه للبحرين الى دبي الى فينيسيا وتاريخ الوصول الى فينيسيا 22 مارس حجزت في فندق لمده 3 ليال لغايه 25 مارس ابي تقولون لي وين اروح بالضبط في المدينه هذي وكيف اتنقل بإستخدام ايش من المواصلات فيها وفي الاخير ايش افضل وسيله وارخصها عشان انتقل الى زيرمات
ومن تاريخ 25 مارس لغايه 30 مارس بتوجه الى مدينه زيرمات ونفس الشي ودي تفيدوني بالاماكن اللي اتوجه فيها هناك والتنقلات بين الاماكن بالعلم اني احب اماكن الطبيعه كثير يعني يفضل تفيدوني بأمكان الطبيعه والشلالات والجبال والبحيرات في كل الاماكن
ومن تاريخ 31 مارس لغايه 4 ابريل سأنتقل من زيرمات الى انترلاكن ودي اعرف الوسيله انتقالي من زير مات الى انترلاكن المفضله وبعدها وين اروح في مدينه انترلاكن وياريت تذكرون لي الفنادق اللي اسكن فيها في زيرمات وانترلاكن على شان تكون تسهل علي زياره المناطق القريبه منها
وفي الاخير راح اتوجه الى باريس من 4 ابريل لغايه 8 ابريل وودي اروح ديزني لاند وباقي الايام تفضلوا بنصائحكم علي وبلغوني وين اروح مع العلم انه تاريخ العوده بيكون 8 ابريل مساء من باريس الى

دبي الى البحرين ومنها للسعوديه ان شاء الله

ياريت المره هذي احصل على جواب منكم انا بإنتظاركم على احر من الجمر

وبيكون هذا كشهر عسل بالنسبه لي انا وزوجتي واول مرة نسافر للدول الاوربيه والمبلغ المتوفر 25 الف ريال سعودي بيكون المبلغ هذا لتنقلاتي بين المدن اللي ذكرتها مع وجبات الطعام وحجز الفنادق في زيرمات وانترلاكن وباريس لاني قد حجزت فندق في فينيسا وشريت التذاكر وخلصت من التأشيره
ياريت اني احصل على مساعدتكم المره هذي ولو توجهوني بطريقه حجز الفنادق الافضل من وين طريق النت او مكاتب الطيران ولا لما اكون موجود هناك في نفس المدن اللي بزورها
شاكر لكم حتى لو ماحصلت على مساعده منكم المره هذي لاني استفدت من مواضيعكم كثير

التخطيط ممتاز أخوي وعلى البركة
بالنسبة لفينيسيا فأنصحك بأخذ تور سياحي خاصة اذا كانت الأنجلش عندك كويسه
زيرمات مدينة جبلية خالية من السيارات فيها شارع رئيسي واحد
وهي مخصصة لزيارة يوم او يومين بالكثير
الأنتقال لزيرمات بيكون بواسطة القطار
حيث تنزل الى محطة تاش
انترلاكن رائعة وتجد البرنامج اليومي لها موجود في الدليل السياحي
ممكن ترتب برنامج5 ايام كامله في انترلاكن وضواحيها وتنتبه للأماكن المغلقة في فصل الشتاء
وممكن ايضا من انترلاكن زيارة لوزيرن ويوم آخر للتلس او البلاتيوس ضمن تور سياحي ينطلق من انترلاكن وتنسقه مع الفندق
الباصات تنطلق من محطة القطار ومكتب المعلومات اللي في داخل المحطة راح يفيدك كثير
ممكن آخر ثلائة أيام في سويسرا تقضيها في حنيف وضواحيها وممن تختار اللي يناسب ذوقك برنامج 10 ايام
واقترح لك الجولة البحيرة وجنيف نفسها مع الأسواق في جنيف القديمة
أخيرا ديزني في هذا الوقت أكثر من رائعة ممكن تحجز في فندق النيويورك (أكثر من رائع)
للفترة كلها وممكن تنزل لباريس بالقطار (44 دقيقة) الخط الأحمر وترجع في نفس اليوم
واثناء وجودك في ديزني ممكن تستخدم الباص المجاني التابع لسوق لفال التجاري الضخم
ايميلاتي موجودة (فقط حمل الصورة الشخصية) وكذلك يوجد ايميلي في مدونتي الخاصة الموجودة أيضا في الملف الشخصي
تحياتي
Aboaziz

اشكرك الف شكر استاذي الفاضل ابو عزيز يعطيك الف عافيه
لكن بالنسبه للفندق اللي في انترلاكن واللي راح اقضي فيها خمس ايام وقبلها يومين في زيرمات و3 الاخيره في جنيف هل في فندق محدد تنصحني احجز فيه والحجز الافضل اني احجز من السعوديه عن طريق نفس المكتب اللي حجزت فيه طيران ولا عن طريق الانترنت
طالب نصيحتك وبإنتظارك على احر من الجمر ولك كل الشكر والتقدير مرة ثانيه
تحياتي لك وللجميع