أخى العزيز الفيصل بالنسبة ( للجى تسكى ) يوجد بجزيرة بالى وتبعد عن العاصمة جاكرتا ساعتين تقريبا بالطيارة
أما بخصوص القفز او الطيران الشراعى يوجد بالجبل بنشاك ويبعد عن العاصمة جاكرتا أقل من الساعة وأما بالنسبة
للملاهى للكبار فيوجد عندك بالعاصمة جاكرتا وتحديدا بمنطقة أنشول الواجهة البحرية للبلد مدينه ألعاب كبيرة وأسمها
( دنيا فنتازيا ) رحلة موفقة أخى الكريم بما أنكم شباب أفضلك العاصمة وجزيرة بالى والجبل بنشاك رحلة موفقة وسعيدة
بأذن الله 0000

ابن السعوديه لا خلي ولا عدم
تسلم علي المعلومات الطيبه
بس الي فهمت ان اقرب جت سكي يبعد ساعتين عن العاصمه

شكلك تبي تحارب
فيه برامج صيد حول بونشاك وبعد مدينه بوقور
صيد غزلان وخرفان وثيران ان بغيت وان بغيت ارانب تم افراد موضوع مستقل لها هنا
https://artravelers.com/p/re/264647
ايضا عندك ساحه الفورميلا في ضواحي جاكرتا تقريبا نص ساعه
وفيه العاب رالي دبابات في مجمع ساري ااتير في باندونق
وفيه العاب حربيه في جاكرتا وحول سيكا بومي اعتقد ان ما خاب ضني
يعني تلبسون عده حرب وشوازن والفشق الوان بس
وعندك في جاكرتا سوق اسمه اكس ال مول فيه زحاليق من الدور السابع مغطاه بالكامل
شي مهيب ورهيب
واذا ما عجبتك هالامور رح البونشاك
تلقي حديقه تمان سفاري
فيها الاسود والنمور مفلته وانت راكب بالموتر لا دخلت جهه الاسود خلك غضنفر وفك باب الموتر
وشف ايهم اقوي انت ولا ابو شنبات
ايضا اشكر ابن السعوديه كفي ووفي
اخوي الفيصل اقرب جيتيسكي من العاصمه تلقاه في انشول
وانشول هي كورنيش جاكرتا يلغلا
دمت بود يا غالي

ايه كفو والله
هذي المعلومات الي ادور بحوس هناك حوس
وبالنسبه للاسد الي سمعت ان اسودهم خرطي (: وهي اصلا قطاوه معطينها فيتامين وكبر حجمها
وما قصرتو والله

اتمنى لك رحله سعيده
( رحلة الأكشن )
بس لاتنسانا من صور للرحله يعني نبي تقرير عن الأكشن وخصوصا مع الأسود
تحياتي

بو منتظر
ابشر وانا اخوك ان الله وفقك راح تشوف الصور خصوصا حقت الاسد
وعلى قول قحطه يا انكم راح تستانسون بالصور ياو
تحياتي