ننتظر مشرفنا الغالي يجاوبك في موضوعك وموضوعي بصراحه مانقدر نستغني عنه

اولا بجاوب بلي اعرفه عدل بالنسبه للازلامسي اهناك تحصل كثير من المكاتب السياحيه العربيه وكل يوم عندهم رحله ما راح اتوهق ان شاء الله احجز من عندهم بالرحلات الجماعيه رخيصه وحلوه وايضا اطلب من نفس المكاتب اذا رحت سالزبروغ زور بزلامسي الزحلاقيه الصيفيه جبال كابرون شلالات كريميل والتلفريك ومطعم علي بابا وكذلك بسالزبورغ في تلفريك ومصنع الملح وفي سوق بضواحي سالزبورغ مجمع اسمه يوربا مول واذا صادفتك اي مشكله في التنقلات اخذ رقم اي سائق في اي مكتب سياحي حتى يوصلك مكان الي تبي حتى انهم يوصلونك الى ميونخ اذا كنت تحب الخصوصيه

اما بالنسبه الى اسواق ميونخ فهي كثيره جدا راح اكتبه بعضه مجمع كوف هوف ومجمع كارشتات بين ساحة كارلز بلاتس ومارينا بلاتس المكان ما تدخل سياره وايضا مجمع لودين فري ومتجر تيريسا قريبين من بعض ميونخ كلها اسواق بساحة المارينا بلاتس وما حولها اما الرحلات اتمنى ان تذهب الى غارمش فهي روعه وهي بعيده اما القريب منك الحدائق التاليه الحديقه الانجلزيه والحديقه الاولمبيه نسيت في شارع اسمه odens platza شارع ماركات اما المطاعم العربيه والتركيه بجانب فندق المريديان

السلام عليكم بالنسبه لفينا روح مغارة هنلر حلوه واخذ معاك جاكيت اما اذا حاب سوق ارخيص بميونخ بوضحلك المكان بس روحله بتكسي المنطقه اسمه اشايم فيها مجمعين ملاصقين الاول اسمه سكند سيزون في ماركات قبل سنه وعليها تنزيلات والمبنى الثاني اسمه فاشن ديزاين وفيه كل شي واحلى من الاول وتشكيلات جديده وارخص من اسواق ميونيخ الي ذكرته لك على فكره اذا ما عرف التكسي معنى اشايم فهي مشوره باسم اوت لت اسكادا قوله جذي احسن ملاحظه لازم تاخذ معاك الجواز علشان طلباتهم جذي للمجمعين مادري ليش ولك زياره وحده باليوم روحله حلو

وايضا لاخونا الجلاد هاذي المعلومات واي استفار يا الجلاد حاضر

حياك اخوي .. وبارك الله وبارك عليك وجمع بينكما في خير
فيينا كارد تشمل الاندرقراوند .. و3 ايام كافية للفيينا .. وهذة اهم الاماكن السياحية :
في النهار قصر الشانبرون .. الجبل المطل على فيينا .. برج الدانوب للغداء .. التمشية على ضفاف النهر وزيارة الجامع الكبير القريب من البرج وهو على ضفاف النهر ..
ومساءً التمشيه في شارع الكارتنر .. شارع المارياهلفر ..وحديقة شتاد بارك .. ومنطقة الكارلز بلاتز وشتيفن بلاتز .. والبراتر ( الملاهي ) ..
وبالنسبة لسازبورق البطاقة حقتها مهمة جدا لانها تسمح لك بدخول بعض الاماكن السياحية مجانا .. وماله داعي سيارة انت اول مرة تسافر وشهر عسل يعني تفرغ للوناسة والمناظر .. وهذي الاماكن السياحية :
اغلب الزيارت نهارا .. جولة في المدينة القديمة .. حدائق الميرابل .. الكهف الجليدي .. قمة بيرج وقصر موزارت .. منجم الملح وقلعة سالزبورق .. رحلة البحيرات والجبال .. رحلة نهر السالزاك ..
وهذي زيلامسي :
..التجول على البحيرة وركوب القوارب الكهربائية .. التمشية في وسط زيلامسي .. مرتفعات كابرون .. شلالات الكريميل .. ركوب الطائرة الشراعية والباراشوت .. الزحليقة الصيفية .. تلفريك اكسبريس في داخل زيلامسي ..
بالنسبة لميونخ الفندق حلو ومافي ازعاج .. وبالنسبة للاسواق عندك شارع المارين بلاتز كله محلات ومختلفة الاسعار .. وبرضو في مولات في نفس المنطقة ..
بالتوفيق ..

استاذ بيمو والله انك 100% مختصر مفيد

ALI_Q8_77
ماقصرت اخوي علي .... بالذات في اسواق ميونخ
بيمو
الله يبارك ب ايامك ويخليك يارب
اشكرك على الرد.... والشرح الوافي الله لا يحرمك من الأجر