ابو ديفيد
اولا .. الله يوفقك لكل خير
ثانياً .. اسعار تذاكرك ممتازة
ثالثاً .. فنادق النمسا .. ماخليت شيء ( كله ممتاز في ممتاز ) بس كأن سعر السي فيلا غالي شوي .. أنا أخذته ب 880 تقريباً ( راسلهم )
رابعاً .. فنادق سويسرا .. ماعندي عنها خبر
خامساً .. ميزانية الصرف اليومي تختلف من شخص لآخر بس في نظري لو تبي تبحبحها شوي يمكن تحتاج من 15 الى 20 الف ريال
سادساً .. بالنسبة للتنقلات وحسب علمي انك راح توفر فرق طيب .. لو شريت التذاكر مباشرة من هناك .. الزومان اكيد يبي له هامش ربح .. والموضوع هذا مطمئن ولا تشيل همه
سابعاً .. سؤالك عن فندق الخطوط القطرية ... مهم مهم .. وانا بعد محتاج لإجابة من المجربين .. لأن الخطوط تقول اذا وصلت الدوحة رح للكاونتر وابرز التذكرة وراح يعطونك سكن !!! بدون اي فاوتشر من هنا زي الامارتية ؟؟
ثامناً .. الاجواء في شهر 8 معتدلة .. ومقبولة
وتقبل تحيات أخوك
قانوني

السلام عليكم جميعا ..
أخوي أبو ديفيد عساك على القوه .. انا وياك بنفس الطياره
انا رحلتي نفس رحلتك .. سبحان الله ..
بالنسبه للقطريه انا ما جربت بنفسي لكن اللي اعرفه من شباب انهم راحوا وبدون فوتشر وعطوهم
غرفه هذا للي جايين من الرياض لكن اللي جاي من البحرين ماله لأن في رحله تطلع كل يوم على الدوحه .
.. بس انا روحتي زيك 18 يوم وتبدا من 178 .. وتخلص في 59 شلون انت في 39 ؟؟؟
حسبتها صح ؟؟؟؟؟؟؟؟؟
أسعار الفنادق جدا روعه انا اللي أخذتها أغلى بشوي لان توني ما بعد دفعت (( الله يكفينا شر العجز ))
والاجواء جميله بهالفتره ولا تحتاج مكيف ..
والله يوفقك ويسعدك مع أم ديفييد ..
أخوك أنس

قانوني محنك
الله لايحرمنا هالطله .. مرور اكثر من رائع
باالنسبة لنفدق زيلامسي يمكن سعره مرتفع
عشان موضوع الوجبتين لانو قالولي لك افطار
مجاني زائد وجبه اخرى انت تختارها ومكتوب
هالكلام على الفوتشر
بالنسبة للخطوط القطرية اقترح علي الاخ الجميل خالد
انو ازور مكتب الخطوط القطرية بالرياض
واتفاهم معهم .. اذا حصلت خبر راح افيدك برساله
بس حبيت اسئلك اخوي مكتب الزومان بالرياض
وين ؟؟ ودي امرهم واخذ نسخه من جدول القطارات
الف شكر على مروروك يالغالي

anas-bsf
صدفه حلوه .. القلوب عند بعضيها
بس تصدق فعلا اكتشفت انو مدة رحلتي 17 يوم وليست 18 يوم
موجود في فينا 17/8 وراجع من جنيف 2/9
بعدين بالنسبة لحجز الفنادق اذا للحين مادفعت واسعارك غاليه
عطني خبر ارسلك جوال موظف مصري اتعامل معه في احد المكاتب وهو
يظبطلك كل شي بالتلفون وماتروحله الا وقت الدفع عشان تاخذ
الفوتشرات وتأكد حجوزاتك
وابي اسئلك اخوي انس .. انت مسافر ومعك عائله ولا شباب
اذا كانو الي معك عائلتك كنت بسئلك عن الزي المناسب والبديل
للعبايه الي ناوين الاهل ( الله يحفظهم ) يلبسونه هناك ؟؟
ولا ناوين مايغيرون العبايه ؟؟
ام ديفيد ملزمه على العبايه والنقاب بس انا احس انها ماراح تستانس
هناك خصوصا وانو فيه صعود قمم وفيه تمشيات على الاقدام وفيه برد
والعبايه ماتدفي .. و.... وجالسين ندور بديل ويكون محتشم مرره
ياليت اذا عندك فكره تفيديني .
باالتوفيق اخوي انس وعساك ماتشوف الا كل خير برحلتك
وعجل اكد حجوزاتك ترى يقولون هالصيف بيكون مزحووم والناس
جالسه تحجز من الان .
تحياتي

هلا أخوي أبو ديفييد ..
والله يا طويل العمر بالنسبه لي انا انشالله طالع مع الزوجه العزيزه (( شهر عسل )) الله يحفظك ..
وبالنسبه للبس في لبس يا طويل العمر يكون بنظلون عادي لكن مو ضيق والبلوزه يسمونها
على ما أعتقد ((بنجابي)) اللي تكون طويله الى الركبه مع الحجاب الشرعي اللي عاده يكون
نفس شكل البلوزه .. ..
اللبس جدا ساتر وهذا أكثر الأخوان الخليجيين يستخدمونه في السفر في أوروبا أو غيرها
بس تأكد من أم ديفييد عن نوع البلوزه لأن خبرك انا بشغلات الحريم (( ميح )) يعني من جنبها ..
وياليت تنقذني برقم اللي تتعامل معه .. (( هل هو بالرياض ولا الشرقيه ))
لأن بصراحه كل مكتب غير عن الثاني وما تدري وشو الأحسن ...
المشكله ان الشخص اللي كل ما سافرت أحجز من عنده (( سافر نهائي )) ولا هذاك كان شقردي ..
ويعطيك العافيه أخوي أبو ديفييد وموفق يا ربي ..

مرحبا اخوي ابو ديفيد
برنامج ممتاز والاسعار كويسه ..
واختياراتك للفنادق رائعه ...
موفق يارب ...
اما بالنسبه للميزانيه تختلف من شخص الى اخر البعض يصرف 200 يورو بالليوم والبعض اقل
كان ودي انك تستأجر سياره وتسوق بنفسك وتتنقل بين المدن بسياره افضل ومتعه مابعدها متعه السواقه
اوروبا ... واريح لك ولزوجتك خصوصيه اكثر وسواليف وقهوه ...
وبالنسبه للبس زي ماقال لك الاخ ... بنطلون وبلايز طوال ... اللبس ساتر جدآ ويكون واسع وطبعآ الحجاب
اما اذا زوجتك تبي النقاب اذن مالها الا العبايه .. لان مستحيل نقاب وبنطول وبلوزه ...
بس زي ماقلت لها بالقمم والزحاليق راح تتعبها العبايه شوي ... وبرضو بالمطاعم وغيره لان طبعآ مافيه
بارتشن او حواجز بين بعض ... بس اذا مصره على رايها طبعآ اهم شي راحتها ...
موفق يارب .. واي خدمه انا حاظره

ANAS-BSF
هلا اخوي حياك الباري
شف مادري ممنوع احط رقم ولا لا لكن بما انو فيه فايده لاحد
وما اقصد من وراه الا المساعده اغدي الشي يشفعلنا خصوصا
انو مانقدر نتواصل بالرسائل لخاصة هالشي غير متاح لنا ( تونا بقراطيسنا )
7اسمه صابر ( مصري عسل )
بس ياليت يكون اتصالك عليه وقت الدوام الرسمي من الساعة 9 ص الى وحده
والفتره الثانية من 5 العصرالى 9:30
وقبل لاتتصل عليه تكون معك قائمه فيها التواريخ واسماء الفنادق عشان يعطيك
السعر على طول
اي خدمه احنا جااهزين وبالنسبه للمدام الظاهر مالها الا البنجابي
ياخي بلشات الحريم دائما امورهن معقده

البرنسيسه
هلابك اختي
تصدقين اكثر شي شاغلني المصروف .. ناس يقوللك 12000 كفايه للمده
الي بتقضيها هناك وناس وصلوها ل 20000
المشكله انو انا ناوي اخصص مبلغ للمصاريف اكل وقطارات وتنقلات
ومبلغ اخر للتسوق .. عشان كذا اخاف تطلع حساباتي غلط واخذ من مصروف
التسوق ونرجع مزعلين ام ديفيد( الا ذي عاد مانقوى عليها)
بالنسبة للباس تقريبا اعتمدنا البنجابي بس ياليت اذا مافيه كلافه عليك تقوللي
وين افضل الاسواق بالرياض الي عندها شي حلو عشان ما نفر واجد انا وام ديفيد
بالنسبة للسياره انا اكره السواقه بالرياض وشلون عاد هناك
واكثر شي يطفشني لاجاني النووم
وانا اسوق ومافي احد يسوق عني .. عاد ام ديفيد سيكل ماتعرف
تسوقه وشلون سياره لا بس خلونا على القطارات يقولون فيها متعه غير شكل
الف شكر اختي البرنسيسه على مرورك الحلو
اخجلتيني باهتمامك .. الله لايحرمك الاجر ياارب

1. يعني بعلمك :


2. أول شي تسويه يا طويل العمر أنك تسجل أي يورو تصرفه , ووين صرفته ؟


3. (يطلع مثلاً 400ريال)


4. مواصلات داخل المدينة (المترو رخيص ,الباصات رخيصه ومتوفرة )


5. وفيه نصايح عامة أنصحك فيها :

يا أخوان الخطوط القطرية تروح لهم قبل باسبوعين ثلاثه ويعطونك فوتشر الفنادق
هذا ما قاله لي موظف الخطوط القطرية ( وترى فيه واحد هندي نصاب بشهادة الموظفين انفسهم انتبهوا):112:
تصدقين اكثر شي شاغلني المصروف .. ناس يقوللك 12000 كفايه للمده
الي بتقضيها هناك وناس وصلوها ل 20000
المشكله انو انا ناوي اخصص مبلغ للمصاريف اكل وقطارات وتنقلات
ومبلغ اخر للتسوق .. عشان كذا اخاف تطلع حساباتي غلط واخذ من مصروف
التسوق ونرجع مزعلين ام ديفيد( الا ذي عاد مانقوى عليها)
هلا ابو داوود بعلمك بس لا أحد يقرأ كلامي يقول وش هالبخيل
اسمع الصرفيه لا تصدق فيها أحد لأنها تختلف من شخص لشخص , وهذي أفكر أنزل فيها موضوع خاص بمديري الرحلات (اللي ماسكين القطه)
واسمي الموضوع : الى الضعوف المساكين في بلاد النمساويين==> رسالة ماستر ذي

يعني بعلمك :

أول شي تسويه يا طويل العمر أنك تسجل أي يورو تصرفه , ووين صرفته ؟

وتسجلها بورقة او بالجوال(انا كنت اسجله بالجوال) وبعدين سدد وقارب فيه اشياء ثابته راح افصلها لك مثل القطارات والدخوليات ..الخ طلعها من المصروف الكلي (ميزانيتك /عدد الايام) , يعني اذا طلعت حق الاشياء الثابته اخصمها من مبلغ الميزانيه الاجمالي
ثم قسم المبلغ على المدة الباقيه راح يطلع لك مصروفك الغير ثابت بعد اخراج قيمة الثوابت .

(يطلع مثلاً 400ريال)

عاد انت وزعها ,يوم تعيش ملك , ويوم تعيش بسيط ,و يوم تاكل بمطعم كويس , ويوم تتعب وتقول بآخذ تاكسي , ويوم يجيك ظرف بسيط تصرف فيه فلوس ما حسبت لها حساب( انا صرفت 800ريال على بطاريات , وأنلعب علي بالملاهي 800ريال)
المهم كل هذا بينك وبين نفسك لا تروح وانت على نظام واضح( لا تروح تقول للمدام حنا ما ناكل الا بمطاعم رخيصه وكل شوي ماكدونالدز ) شكّل وغّير , مرة دلع ومرة بساطه
فيه اشياء تخفض لك الميزانيه واشياء ثابته
في مصروفاتك وهي كالتالي :
قطارات بين المدن ( وهذي ثابته )
تكاسي(هذي مرفوضه ما عدا المطار الفندق فقط ,او محطه القطار للفندق فقط, يعني اذا كان معك شناط فقط ,هذي تبي تلعب بحسبتك من جد لو استخدمتها الا في حالة انك عارف ميزانيتك )

مواصلات داخل المدينة (المترو رخيص ,الباصات رخيصه ومتوفرة )

أكل(طبعا غداء او عشاء لان الفطور المفروض يكون بالفندق) , والاكل اكثر عنصر تقدر تلعب وتخفض فيه , والاكل عندك اما يكون بمطعم جيد او يكون شاورما وماكدونالدز ,(وقل للمدام الشاورما والماكدونالدز ما فيها خنزير أكرمك الله )
النثريات: الكوفي والايسكريم مثلها مثل الاكل
دخوليات (ثابته ومو كثيرة)
بالنسبه لمصروف التسوق عطه ام داوود وقلها مو شغلي ان شاء الله تصرفينه بيوم واحد

وفيه نصايح عامة أنصحك فيها :

• طبعا التكاسي أتوقع اني أسهبت فيها ==> يمديك على أسهبت ؟
• من أغلى الحاجيات : الماء(العلبه(القارورة) 2يورو)) وهذي ممكن انك تشرب من النوافير اللي عندهم (وهي بكل ساحة) وممكن تعبي قاوروة مويه من النافورة بس لا يدري أحد من الاخوان اني علمتك وممكن تحط بشنطة الرحلات معك علبة وحده
• اذا جيت تسافر (وانت بالوطن) خذ شنطه صغيرة وعبها مكسرات وبساكيت وبطاطس شيبس , واشياء ما تخرب او تذوب , حتى ما تتهور وتاكل من ثلاجة الفندق , وبرضو سالفة الخنزير تدعم موقفك

وعلى طاري قاوروة المويه , هذي راح تحتاجها اعزك الله بدورات المياه , لانه حط في بالك انك راح تواجه دورات مياه بفنادق بدون مويه (يوم رجعت العام الماضي لدبي ترانزيت اول شي سويته في دبي دخلت دورة المياه وقعدت ألعب باللي وأطرطش بالماء
صدق تبي تفقد المويه بدورة المياه ===> بنطرد من المنتدى على هالسالفه الله من زين السواليف
وبالنسبه للصرفيه اطلع على موضوع اخونا عبدالاله وموضوعي ,تم توضيح الميزانيه بالتفصيل
وختاماً اقولك لا تخاف من الميزانيه ان شاء الله مادامك متخرج من منتدى العرب المسافرون لانك عارف كل شي وما يمديهم يلعبون عليك
وبالمختصر 18 يوم =15000ريال + فيزا احتياطيه للظروف (هذا في حالة انك ما طعت ام داوود بكل شي)
بالنسبة للباس تقريبا اعتمدنا البنجابي
تصدق أمس صارحتني المدام بهالشي , أذكر العام الماضي في باريس تحت برج أيفل , رجل خليجي وزوجته يمشون كأنهم في حلة القصمان , يعني متغطيه ولابسه أسود ,
جاء مصور وقال للرجال ممكن أصور زوجتك وهي متغطيه ؟؟
طبعا الخليجي قال : لا
طبعا مدامتي قلت لها لكل حادث حديث وهذي نسأل فيها شيخ ===> يقلب بسرعه
وشو هالبنجابي ؟؟ سنجاب ؟
عموما : لا تعليق
وعموما اذا نبي نطيع المدامات بكل شي مشكلة
عاد ام ديفيد سيكل ماتعرف
لا يفوتك استأجروا سياكل تراها كذا
بالنسبة للتنقلات بالقطار من مدينة الى اخرى وش رايكم احجز من هنا عن
طريق الوكيل الزومان ولا اخليه من هناك علما بانني محدد في اي يوم بنتقل
من مدينة الى مدينة ؟؟
أحجز من هناك أفضل لك
في انترلكن وزيلامسي هل ضروروي يكون فيه تكييف بالفندق ولا الجو في شهر 8 حلو
ومافيه حر ؟؟
العام الماضي ما احتجنا للتكييف بس هالسنه ما ادري , ومن المتوقع انه يكون حار بس ترى ما لك حيلة بالتكييف
تعبت من الكتابة
تحياتي