أبو السعد
.
1- اعتقد التوقيت مناسب لان زحمة الصيف وغلاء الاسعار يمديها خفت شوي
2 -كامري اي موديل ؟؟ المهم بغض النظر اهم شي انت واثق فيها يعني زيت وبنزين وبس ؟؟ والا خايف من شغلات ثانيه ؟؟
بالنسبه للطفل مايبي له الا جواز سفر وبس
3- فيه عندك الطريق التقليدي على قولتهم خط الشمال وفيه الطريق الجديد ( حائل الجوف ) ماعندي اي خبر عنه
طريق الشمال ماتفرق ليل او نهار اهم شي تكون شبعان نوم
4- فيه مواضيع كثيره تقدر تطلع عليها بالمنتدى وتخطط حسب راحتك لايفوتك الشمال السوري

أبو السعد
.
انا فيه شي واحد ماحبيته..
اللي هو .. / سوف تكون سفرتك الاولى..؟
يعني صعبه تسافر لسوريا ومعاك العيال .. وانت لا تعرف الشي الكثير عن هذا البلد
يعني لو انك رايح لسوريا اكثر من مره .. وعارف مداخل ومخارج الدوله
كان يسهل عليك اشياء كثيره
و لو انك رايح لوحدك كان عادي .. ونعطيك ارقام شوفيريه .. وتمشي امورك
لكن بسيارتك .. ومعاك العيال صعبه..؟؟
يا اخي التعامل مع السوريين صعب للغايه
ويبي له شيل وحط ... وتكون عندك خلفيه كبيره عن الاسعار ... الاماكن ... الطرقات ...
زبدة كلامي خايف على اسرتك
راح اجزم انك تتعرض لمواقف كثيره ... تصعب سفرتك
اكرر لو انك لوحدك او مع شباب .. او انك عارف البلد زين
كان امورك تمامالله يوفقك اخي الكريم

اليوم هو 19 / 8 / 1428 ه الموافق 1 / 9 / 2007 م ؟؟؟؟؟؟؟؟؟؟؟؟؟؟؟

اخي ابو السعد الوقت الان يعتبر مناسب خاصه انه اخر الصيف والزحمه راح تقل والاسعار ايضا اما من ناحية الطفل الله يخليه لك وام السعد ان شاء الله مايحتاج الا جواز السفر او انك تضيفه مع امه والطريق انا افضل طريق حائل الجوف فهو طريق سريع من الرياض حتى مفرق الجوف القريات ومسافته تقريبا 900كيلو متر ومن ثم الى القريات طريق مزدوج ومسافته تقريبا 300كيلو متر وهذا الطريق انا جربته اما طريق الرياض طريف سمعت ان الطريق الى عرعر طريق سريع وان شاء الله الاخوه يفيدونك عنه وبالنسبه للميزانيه هذا يعتمد في الدرجه الاول لكحسب صرفك واذا كنت من هواة التسوق الله يعينك واسف ان بدر مني قصور

تروح وترجع بالسلامه يا الغالى

مشكور أخووي صقر على التنبيه
آآآآآآآآآآآآآآآسف خطأ مطبعي
التاريخ 15 / 10 / 1428 هجري ,,,, 27 / 10 / 2007 منناسب لا لا
( الحمد لله الموتر ماعليه كلام ,,,, القصد مايحتاج دفع رباعي )

أبو السعد;1553390
التوقيت رائع يابو سعد يعني مافي زحمة زي الصيف.
وانا كانت عندي سيارة كامري موديل 2002 م رحت عليها سوريا 3 مرات والله زي الحلاوة
وبالنسبة للطفل يتربي بعزكم ولازم تسوي له جواز وانا اقترح عليك انك تخليه مع امه بجواز سفر واحد
يعني تلقي جواز امه الاولي وتسوي جواز جديد تكون امه صاحبة الجواز والطفل مرافق لها.
و اقترح عليك اول ماتوصل لسوريا تتوجه مباشرة إلى ريف الزبداني والذي يبعد عن دمشق 45 كلم
وتمكث فيه خمسة ايام ثم تغادر إلى المناطق الشمالية وبالتحديد إلى صلنفه وتقعد فيها ثلاثة ايام
تزور فيها الاماكن القريبة مثل كسب وغابات الفرلق وثم بعد اتمام الثلاثة ايام تنطلق إلى حمص
او مشتى الحلو وتقعد فيه ثلاثة ايام تزور من خلالها الاماكن القريبة مثل صافيتا وحلب وغيرها.
وبعد ذلك تعود مرة أخرى إلى الزبداني وتمكث فيها ماتبقى من الرحلة وهي ثلاثة ايام...
وبإذن الله راح تكفيكم من 8000 إلى 10000 ريال (((حسب صرفيتكم)))...
اهم شئ انك تحاول الدخول للأردن و سوريا وقت النهار ونصيحة لاتلتفت للسماسرة واصحاب
العقول و النفوس الضعيفة من بعض اصحاب المكاتب العقارية و اصحاب التكاسي...
وايضاً عليك بالتأجير عن طريق صاحب الحلال مباشرة وحاول تتجنب المكاتب على قد ماتستطيع.
العفو اخوي ابو السعد واتمنى لكم قضاء احلى وامتع الاوقات في سوريا الحبيبة...

صقر
وأعذرني على كثرة الأسئلة

اخي ابو السعد
قيادة السيارة في سوريا صعبة ماهي مثل دول الخليج
اخذ سيارتك وخليها بالكراج
واتنقل بتكسي وبالك من الاسعار ( امشي عالعداد وضيف عليه 10 ليرة)
عشان الطفل الله يحميه من كل مكروه لازم تنتبه له لتغيير الجو وهم تغيير الاكل والمي
اخذ معاك مي بيدر للشرب والطبخ
والله ييسر لكم الخير