السلام عليكم
انا انشالله ناويه اسافر اسبانيا وبرشلونه بالتحديد من تاريخ 1 - اكتوبر الى 7 - اكتوبر
في مباريات لبرشلونه بهالتاريخ بس ماني عارفه اذا بيلعبونها بالكامب نو اولا وانشالله بحضر مباراة لهم باذن واحد احد
يعني يووم ونبي نقضيه بمباراه وبغيت اعرف جم التذكره للشخص الواحد ؟..
وبقى ست ايام وين اقضيها ؟؟!!
انا ماعرف اماكن ببرشلونه
يعني ابي يوم اقضيها بمدينة العاب او ملاهي انا شفت مواضيع لاعضاء عن مدينة العاب لكن مااعرف اساميهم ؟
وابي افضل المجمعات والمتاحف او اي مكان يكون ببرشلونه حلو مابيه يطوفني
يعني المطلوب
- ابي ترتبولي جدول اسبوعي الله يجزاكم خير واكون شاكرتلكم من صميم قلبي ^^
- وبغيت افضل تاكسي بالتعامل لاني ودي احجزه من السفريات وابي شي مجربينه وسعره معقول ولاعليكم امر ؟
واهم شي " السكن "
دائما اسمع ان برشلونه فيها شقق فندقيه اسعارها معقوله
يعني ابي فندق سعر الليله فيها 180 دولار
- يعني فندق بالاسم يالطيبين ابي احجزه من السفريات واتعرفون ق=في سفريات شغل نصب @@
يعني طلعت بموضوعي هذا بثلاث طلبات :
1- جدول اسبوع مرتب بأهم الاماكن ^^
2- تاكسي متعاملين معاه وسعره زين
3- اسم فندق تمدحونه بسعر معقول
واللي يسويلي هالخدمه له دعوه نابعه من القلب والله بهالشهر الفضيل
ارجوكم ابي اطلع باستفساري وموضوعي هذا بفائده الله يجزاكم خير
ادخلي صفحة ارشيف اسبانيا، و ستجدين طلبك في المواضيع المثبتة للكاتب الشاب.