1. في محلات كويسة حق الاطفال برشلونه & مدريد ؟؟؟


2. تكفي ونص كل المسألة عشرة أيام لو تضبط أمورك بيكفيك نصف ها المبلغ

هل تنسيق رحلتي حلو يعني 5 ايام برصا و5 ايام مدريد ويكفي اروح حق هالديرتين ولا تنصحوني اروح لديرة قريبه منهم ؟؟؟
أنا غير مؤيد لهذا التقسيم وأرى أن التقسيم الأنسب هو 3 برشلونة و 5 مدريد مع تخصيص يوم منها لزيارة مدينة طليطلة ويومين في غرناطة لزيارة آثار الأندلس ( ولو استأجرت سيارة في مدريد وحاولت تسكن بعيد شوي عن السنتر وسافرت بالسيارة للجنوب أنا متأكد أنك بتنبسط

في محلات كويسة حق الاطفال برشلونه & مدريد ؟؟؟

يوجد في مدريد مدينة ألعاب وحديقة حيوانات وحدائق وفي برشلونة الأكواريوم واستعراضات شارع الرامبلا وكذلك يوجد ملاهي للأطفال داخل المجمعات التجارية في المدينتين كما يوجد مدينة ألعاب تبعد عن برشلونة 100 كلم وأخرى بينها وبين مدريد 40 كلم
ميزانيتي راح تكون تقريباً 30000 ريال سعودي بحدود 5500 يورو ( غير التذاكر والسكن فقط معيشة ومشتريات خفيفة) هل تشوفون انها كافيه

تكفي ونص كل المسألة عشرة أيام لو تضبط أمورك بيكفيك نصف ها المبلغ

القطار من برشلونه الى مدريد في احد جربه ؟؟؟ هل هو دايركت ؟؟؟ طيب ومن وين اخذ تذكرته انا ادري انه من النت بس اذا بغيت اخذ التذاكر من برشونله من وين ؟؟؟ ويفضل اخذها من بدري ولا عادي قبل وقت المغادرة من برشلونه بيوم
اللي أعرفه أنك تأخذها من محطة القطارات الرئيسية وإن شاء الله تلاقيها متوفرة حتى في يوم السفر والقطار دايركت وسريع يقطع المسافة في حدود 3 ساعات بس لازم تنتبه لاسم القطار السريع ave
اشهر شارع ببرشلونه الرمبلا تنصحون عايله تسكن قريب من هالشارع او فيه مكان احلا واهداء و اروق تمدحونه, وبمدريد شارع قران فيا ايضاً تنصحون عايله تسكن بالقران فيا ولا فيه منطقة ثانية احلا واهداء و اروق تمدحونه ؟؟؟
من ناحيتي أنا ما أحب ها المكانين كلهن لو تبغى سكن حلو ببرشلونة فيه فندق يبعد عن البحر في حدود 1 كلم ممتاز ومنطقته هادية ورايقة وجنبه شارع كله كافيهات بتنبسط فيه أنت والمدام
وفي مدريد منطقة المركز الإسلامي تعجبني
سمعت ان الجو حار في الوقت اللي بروح فيه , هل فعلاً حار ولا طبيعي و لا عادي
صحيح الجو حار بس حرارة طبيعية
اذا بغيت اروح لمولات ببرشلونه ومدريد تفضلون اروح لاي مول حسب خبرتكم ؟؟؟ طبعاً الكورت ببرشلونه معروف , ولكن هل يوجد غيرة ؟؟؟ وماذا عن مدريد
المولات في مدريد أحلى بكثير والكورت انجليس موجود في كل مكان ومن أحلى المولات في مدريد ساندو ومدريد دوس وفيه غيرهم بس للأسف ناسي أسماؤهم
انا معاي عيالي هل يوجد خطورة عليهم في برشلونه , لاني سمعت ان في برشلونه مشاكل اكثر من مدريد افيدوني يا اهل الخبرة
إن شاء الله ما فيه خطر عليهم بس الحذر واجب
وحياك الله في كل وقت ومستعدين باللي نقدر عليه

zaman99s
ربي يوفقك ويسلم يمينك يا اخوي zaman99s
كفيت و وفيت وشرحك وافي و واضح
عاجز عن شكرك