yasmeeeeeen
مرحبا
طيران vueling من افضل الطيران الموجود , توكلي على الله..
يومان في برشلونة:
اول يوم: تركبين الباص السياحي من ساحة كاتالونيا , شعاره عين ورموش ملونة , واماكن بيع التذاكر في ساحة كاتالونيا , وتوجد 3 مسارات (اخضر وازرق واحمر) , انصحك بالمسار الازرق (اماكنه حلوة ومنوعة) , وسعره 23 يورو..
واذا صادف هاليوم (خميس او جمعة او سبت او احد ) تروحين ساحة اسبانيا وتحضرين عروض النوافير الموسيقية من 9 - 11:30 الليل..
ثاني يوم: من ساحة كاتالونيا تدخلين شارع الرامبلا وتمشين الى النهاية وبعد الدوار بيجيكي الميناء (تطلعين رحلة بحرية 35 دقيقة) وموجود جنبها مجمع maremagnum وبعده تروحين شارع Passeig de gracia حلو للتسوق , وبعده حضور مباراة برشلونة..
التذاكر للمباراة تقدرين تشترينها من الكشكات بشارع الرامبلا , والا شباك تذاكر الملعب..
موفقه ان شاء الله

انا راح اوصل برشلونة الساعة 3 الظهر انا افكر اتجول في شارع الرمبلا والذهاب لساحة كتالونيا والذهاب للشاطئ والمول الي عند البحر
ثاني يوم افكر اروح لمباني جودي والكنيسة ثم الذهاب للمبارة
ماهو رايك
ايضا ماذا عن الناس اللي يبيعون التذاكر عند الاستاد في الخارج هل ممكن ان تكون التذاكر مزورة ولا لا وبكم تقريبا سعر التذكرة لمباراة برشلونة وغرناطة

yasmeeeeeen
مرحبا
جدول حلو , وضيفي على جدول اول يوم شارع Passeig de gracia وكوفي ع السريع من شارع Rambla de catalunya .. كلها تبدأ من ساحة كاتالونيا..
الناس اللي تبيع التذاكر في خارج الملعب يكونون اعضاء في نادي برشلونة وعندهم بطاقات عضوية ويقدرون يدخلونك للملعب بالسعر اللي تتفاوضون معه (طبعا ماياخذ المبلغ الا اذا دخلتوا معه داخل) بس المشكله ماعنده رقم محدد للمقعد , يحدد لك الجهة وانتي تجلسين اي محل..
ولو كانت المباراة قوية مثل مباراة برشلونة وريال مدريد , يكون عند هذول الاعضاء تذاكر محددة للمقعد..
سعرها تقريبا 50 - 80 يورو , ولو تفاضونه في السعر توصل الى 30 يورو .. (جربتها قبل تقريبا 10 ايام في مباراة برشلونة واشبيلية , ورحت الملعب قبل المباراة بنص ساعة وشفت واحد من اللي برا الملعب وقال لي ادخلك ب 50 يورو , وقلت له ب 30 يورو , وما وافق في البداية وتركته وجاني يركض وقال اوكي).. واهم شي لاتشيلون معاكم مبالغ كبيرة او شنط , احتياط عشان ماتتعرضون لاي سرقة..
يوفقك ربي ان شاء الله

شكرا ا والله انا تعبتك كثير
الله يجزاك كل خير

بالنسبة للتذاكر , بالفعل تكون ارخص قبيل بداية المباراه ...
انا شريت تذكرتين بميئة يورو , قبل العام الماضي مباراة برشلونه - فالنسيا > > > هاتريك ميسي !!!
جابها لنا صديق اسباني , بصراحه مدري من وين بالضبط جابها ...