نشر في سويسرا

برااشوت انترلاكن

سمو المعاني

26-03-2022 - 05:27 pm

مسااكم الله بالخيير..اخواني واخوااتي..
انه انشالله هالصيفيه..نااويه اخوض مغاامره من العمر..وهي اني راح اطير بسمااء انترلاكن بالبرشووت..
بس في شي محيرني...هو طبعا مثل ماتعرفون اني بنت...وابي المدرب الي بيكون معاي بنت طبعا..
الي ابي اعرفه..عندهم حرييم ولا بس رجاجيل..؟ وانشالله تكوون الاجاابه على ماتمنى..
ومنتظرتكم...
تحيااتي..اختكم سمو المعااني

التعليقات (9)

hola barcelona

26-03-2022 - 08:43 pm

ان شاء الله بيرد عليك يفيدك ويفيدني
بكم الرحله ؟ واين اجدها ؟ وهل متوفره في الفتره هذي 4/7 الى 6/7 ؟
وشكراً

الهلالي

26-03-2022 - 09:44 pm

بإمكانك اختي ركوب البراشوت مع وحده ولا بد من الطلب عند الحجز وهذا اللي صار معي لاني شرطة عليهم بأن زوجتي لن تطير الا مع مدربه و وفروا لي ما طلبت ..
مكتبهم موجود على الشارع الرئيسي اللي قدام الحديقه بالقرب من فندق متروبولتان لكنه ( كشك) ربما بتغير مكانه
على العموم الفندق راح يساعدكم ويحجز لكم
الاسعار تختلف حسب الارتفاعات ... كلفتني انا وزجتي 300 فرنك والهبوط من جبل بارتفاع 800 متر على ما اعتقد
وكانت تجربه رائعه

منوووووي

26-03-2022 - 10:45 pm

السلام عليكم
اخوي الهلالي هل التجربه هذي يخوضونها اللي معاهم ضغط عادي؟؟
اي ودام انك خبير بايطاليا بقيتك تقولي هل تستحق مدينه ميلانو الزياره هل فيها اماكن حلوه تستحق الزياره عشان اخطط اروحلها ولا عادي وهل اسواقها اسعارهم معقوله ههه ذبحتني لسوقه بس ماعليه تحملوني بليز وكثر الله خيركم

سمو المعاني

26-03-2022 - 11:46 pm

يعطييك العافيه اخوي الهلالي...بس انا راح اسكن بجنيف..يعني لما اروح انترلاكن برجع جنيف بنفس اليوم...وبهالوضع..شلون احجز؟!
يعطييك العافيه على الرد..

سمو المعاني

27-03-2022 - 12:47 am

وشي ثااني...انه ماكنت نااويه اني احجز..قلت لما اوصل انترلاكن ولي رحت لهم اخبرهم اني ابي حرمه..
فشلون؟!

الهلالي

27-03-2022 - 01:48 am

و
نصيحة ... انترلاكن تستحق 3 ايام على الاقل ... بعكس جنيف
وبخصوص الحجز ... يفضل انك تتصلين عليهم لان في ايام يكنسلونها بسبب الاحوال الجويه ويكون عندهم خبر قبلها بيوم او يومين

أبو عزيز

27-03-2022 - 02:49 am

الهلالي
صحيح واذا ماخانتنى الذاكره يقع الكشك قبل مطعم HOOTERS على الشارع الرئيسى الهوهفيج وينظم رحلات لركوب الشلالات ( مغامرون التجديف ) أيضا

منوووووي

27-03-2022 - 03:50 am

مشكور ويزاك الله خير بس بقيت اسال كومو في ايطاليا ولا سويسرا؟؟

الهلالي

27-03-2022 - 04:51 am

و
كومو في ايطاليا ... وفي لوقانو السويسريه وهي تقريبا على حدود ايطاليا وقريبه من كومو

سويسرا المسافرون العرب

برااشوت انترلاكن